Politike

Protesta e të martës/ Berisha: Beteja për çlirimin e bashkisë nga Erion Veliaj është betejë e shenjtë

Gjithashtu Berisha u bëri thirrje të gjithë qytetarëve të Tiranës të mblidhen të martën para bashkisë. 

16 Maj 2024, 20:47 Nga E. D
Protesta e të martës/ Berisha: Beteja për çlirimin e
Sali Berisha

TIRANË- Kreu i partisë Demokratike Sali Berisha gjatë fjalimit të tij mbrëmjen e sotme ka folur për protestën që do të mbahet ditën e martë para bashkisë.

Berisha u shpreh se beteja për çlirimin e bashkisë nga Erion Veliaj është betejë e shenjtë. Gjithashtu Berisha u bëri thirrje të gjithë qytetarëve të Tiranës të mblidhen të martën para bashkisë. 

PJESË NGA FJALA E BERISHËS:

Miq, ja pra se çfarë është beteja jonë. Beteja jonë është betejë për për çdo qytetar shqiptar. Është betejë për jetesën e tij, për rrogën e tij, për pensionin e tij. Është betejë kundër shpopullimit. Beteja për shpëtimin e bashkisë, çlirimin e bashkisë nga kryhajduti Erion Veliaj është betejë e shenjtë. Ndaj dhe të martën, e gjithë Tirana te bashkia. Dje, ministrja e Edi Ramës në derë të Skrapit deklaroi se aferat kanë bërë pis të madh dhe të vogël.

Në fakt ato afera mbi të gjitha dhe para se gjithash kanë bërë pis pisat e kombit, ata të cilët pasurohen në kurriz të shqiptarëve si Erion Veliaj. Ata të cilët zhdukin 135 milionë euro për djegësin që nuk ekziston. Ai i cili me kompaninë 5D zbaton modelin e vjedhjes 100 përqind në prokurimet publike. Zbaton barbarinë duke rrënuar dhjetëra banesa e pallate pa asnjë cen nga tërmeti, vetëm e vetëm për të vjedhur paratë e ndërtimit të tyre, Zbaton vjedhjen 100 përqind me kompani të llojit DC, të cilat grabisin miliona dollarë dhe nuk kanë asnjë punë të regjistruar.

sali berisha

Sondazh

Poll