Bota

Atentati ndaj kryeministrit të sllovakisë/ Reagojnë liderët botëror: Të tronditur nga lajmi i tmerrshëm

Gjithashtu ka reaguar kryeministri i Britanisë së Madhe Rishi Sunak.

15 Maj 2024, 16:25 Nga E. D

Atentati ndaj kryeministrit të sllovakisë/ Reagojnë liderët

SLLOVAKI- Reagojnë Liderët botërorë për atentatin ndaj Kryeministrit slloven. Gjithashtu ka reaguar kryeministri i Britanisë së Madhe Rishi Sunak. Sunak thotë që është i tronditur nga lajmi i tmerrshëm. 

Ai shkroi në X: "Të tronditur kur dëgjova këtë lajm të tmerrshëm. Të gjitha mendimet tona janë me kryeministrin Fico dhe familjen e tij."

Po ashtu presidentja sllovake ka reaguar duke thënë që është e tronditur nga të shtënat brutale. 
Presidentja e Sllovakisë Zuzana Caputova thotë se është e tronditur nga sulmi brutal dhe i pamëshirshëm ndaj kryeministrit.

"Jam e shokuar. I uroj Robert Ficos shumë forcë në këtë moment kritik për tu rikuperuar nga sulmi," thotë ajo në një deklaratë.

Kryeministri rumun Marcel Ciolacu thotë se është thellësisht i tronditur nga lajmi i të shtënave dhe thotë se autorët duhet të mbajnë përgjegjësi.

"I tronditur thellësisht nga lajmet që vijnë nga Sllovakia. Akte të tilla ekstreme nuk kanë asnjë justifikim dhe autorët duhet të mbajnë përgjegjësi," shkroi Ciolacu në "X".

 

Kryeministri çek Petr Fiala thotë se të shtënat janë tronditëse dhe i uron Ficos shërim të shpejtë.

"Lajmi për vrasjen e kryeministrit sllovak Robert Fico është tronditës. I uroj kryeministrit te sherohet sa me shpejt. Nuk duhet të tolerojmë dhunën, ajo nuk duhet të ketë vend në shoqëri," tha Fiala.

Kryeministri i Hungarisë Viktor Orabn thotë se është thellësisht i tronditur nga sulmi kundër mikut tim, kryeministrit Robert Fico. 

"Thellësisht i tronditur nga sulmi i tmerrshëm ndaj mikut tim, kryeministrit Robert Fico. Ne lutemi për shëndetin dhe shërimin e tij të shpejtë! Zoti e bekoftë atë dhe vendin e tij!" shkroi Orabn në "X". 

Kryeministri polak Donald Tusk iu drejtua drejtpërdrejt Ficos në një postim në X, duke thënë se "jemi me ju në këtë moment shumë të vështirë".

"Lajm tronditës nga Sllovakia. Robert, jami me ty në këtë moment shumë të vështirë," shkruan Tusk. 

Kryeministrja e Estonisë Kaja Kallas i uroi Ficos një shërim të shpejtë, duke shtuar se një sulm kundër një lideri të zgjedhur është gjithashtu një sulm kundër vetë idesë së demokracisë. 

"I tronditur thellë nga përpjekja për vrasjen e kryeministrit të Sllovakisë Robert Fico. Një sulm kundër një lideri të zgjedhur është gjithashtu një sulm kundër vetë idesë së demokracisë. I uroj shërim të plotë dhe të shpejtë. Mendimet e mia janë me familjen dhe të dashurit e tij," tha ajo. 

rishi sunak zuzana caputova

Sondazh

Poll

MË SHUMË