Bota

Stuhia rrëzon billboard-in në Indi, 14 persona humbin jetën

Shërbimet e urgjencës thonë se disa njerëz janë ende të bllokuar nën të dhe një operacion shpëtimi është duke u zhvilluar.

14 Maj 2024, 15:59 Nga E. D
Stuhia rrëzon billboard-in në Indi, 14 persona humbin jetën
pamje nga vend ngjarja

INDI- Të paktën 14 persona janë vrarë dhe dhjetëra të tjerë janë plagosur pasi një billbord gjigant u shemb gjatë një stuhie të papritur në qytetin indian të Mumbait. Billbordi, me përmasa 70 me 50 metra sipas policisë, ra mbi shtëpi dhe një pikë karburanti. Shërbimet e urgjencës thonë se disa njerëz janë ende të bllokuar nën të dhe një operacion shpëtimi është duke u zhvilluar.

Pamjet në kanalet lokale të lajmeve tregojnë billbordin e madh që lëkundet nga era përpara se të lëshojë rrugën dhe të përplaset me ndërtesat pranë një rruge të ngarkuar në periferinë lindore të qytetit, Ghatkopar. Në aksident janë përplasur disa automjete. Në fotot nga vendi i ngjarjes, ekipet e emergjencës mund të shihen duke punuar nëpër rrënojat. Pamjet dramatike video tregojnë punëtorët e shpëtimit duke nxjerrë një viktimë nga poshtë billbordit të rënë dhe duke përdorur mjete elektrike për të prerë metalin.

"Ne kemi shpëtuar rreth 80 njerëz të sigurt. Është një makinë e kuqe e cila është dëmtuar rëndë, dyshojmë se ka disa njerëz të bllokuar brenda”, tha një zyrtar për agjencinë e lajmeve ANI.

billbord indi viktima

Sondazh

Poll

MË SHUMË