Politike

"Krenar për Shqipërinë" / Rama nis sot turin e takimeve me diasporën, ndalesa e parë në Athinë, çfarë pritet?

Takimi pritet të nisë në orën 11:00 në stadiumin "Galatsi", në sallën “Christmas Theater”.

12 Maj 2024, 07:54 Nga M.B
"Krenar për Shqipërinë" / Rama nis sot turin e takimeve
Edi Rama

ATHINA- Kryeministri Edi Rama nis sot turin e takimeve me diasporën "Krenar për Shqipërinë" me ndalesën e parë, kryeqytetin grek, Athina. Takimi pritet të nisë në orën 11:00 në stadiumin "Galatsi", në sallën “Christmas Theater”. Rama pritet të mbërrijë në aeroportin ”Eleftheros Venizelos” rreth orës 09:00 dhe për mbarëvajtjen e këtij takimi janë marrë masa të rrepta sigurie me qindra punonjës policie.

Kryeministri do të jetë i shoqëruar me rreth 50 gazetarë, por dhe rreth 100 bashkëpunëtorë të tij, ministra e deputetë. Ministrja Elisa Spiropali dhe sekretari i Përgjithshëm Blendi Klosi do të mbajnë fjalime që do të pasohen nga fjala e kryeministrit Rama. Rama do të ketë edhe një takim me strukturat e degës së PS në Athinë ku do të shpërndaje dhe kartat për anëtarët më të rinj të kësaj force në emigracion.

Veç fjalimeve, në ngjarje do ketë edhe pjesë spektakli, pasi do të performojnë këngëtarët Era Rusi, Ylli Baka e Noizy. Pas Athinës Rama do të vijojë turin e takimeve me shqiptarët në mërgim në Milano, Londër dhe Duseldorf.

edi rama ne athine

Sondazh

Poll

MË SHUMË