Sport

Al Hilal shpallet kampione e Arabisë Saudite pas fitores 4-1, tre javë përpara fundit të sezonit!

Titulli kampion për Al Hilal është i 19-ti në historinë e klubit, me skuadrën që mbylli diskutimet 3 javë përpara fundit.

12 Maj 2024, 00:49 Nga DOSJA
Al Hilal shpallet kampione e Arabisë Saudite pas fitores 4-1, tre javë

ARABI SAUDITE - Al Hilal është skuadra kampione e Arabisë Saudite për sezonin 2023-2024. Të besuarit e Jorge Jesus ishin protagonistët e një kampionati që e dominuan nga fillimi.

Takimi që zyrtarizoi suksesin përfundoi me fitoren e Al Hilal në shifrat 4-1 ndaj Al Hazem, ku shënoi Mitrovic 2 herë. Rrugën e rrjetës e gjeti dhe Sergej Milinkovic-Savic. Pas ndeshjes, lojtarët dhe stafi festuan në fushë.

Gëzimit të skuadrës iu bashkua edhe braziliani Neymar, i cili mbylli sezonin shumë herët për shkak të problemeve në gju. Titulli kampion për Al Hilal është i 19-ti në historinë e klubit, me skuadrën që mbylli diskutimet 3 javë përpara fundit.

Rivali kryesor, Al Nassr, e nisi shumë keq sezonin, duke humbur shumë terren në renditjen e përgjithshme. Dhe duke bërë që llogaritë e titullit kampion t’i mbante të gjalla vetëm matematika. Duke sjellë pranë abonentëve në Shqipëri dhe Kosovë ndeshjet më të forta të realitetit më të diskutuar.

B.T (Dosja.al)

Sondazh

Poll

MË SHUMË