Aktualitet

GJKKO e liroi dje nga qelia, SPAK apelon vendimin për avokatin Arben Lena, kërkon kthimin e tij në burg

Mësohet se prokurori i Posaçëm, Elvin Gokaj kundërshton vendimin e gjyqtarit të Shkallës së Parë Erion Çela, duke dërguar çështjen sërish në Apel. Avokati Lena u vendos në pranga pasi akuzohej për korrupsion.

10 Maj 2024, 10:17 Nga N.F
GJKKO e liroi dje nga qelia, SPAK apelon vendimin për avokatin Arben Lena,
Arben Lena

TIRANË- Gjykata e Posaçme mori ditën e djeshme vendimin për të liruar nga burgu avokatin e Korçës, Arben Lena. Ndërkohë ditën e sotme Prokuroria e Posaçme ka apeluar lirimin e kreu të Dhomës së Avokatisë në Korçë, Arben Lena.

Mësohet se prokurori i Posaçëm, Elvin Gokaj kundërshton vendimin e gjyqtarit të Shkallës së Parë Erion Çela, duke dërguar çështjen sërish në Apel. Avokati Lena u vendos në pranga pasi akuzohej për korrupsion. Mësohet se ai do të qendrojë në masën e arrestit shtëpiak që pas vendimit për lirimin e tij nga Gjykata e Posaçme, deri në përfundim të hetimeve.

Lena u arrestua në janar të këtij viti me dyshimin se do të ndikonte në Gjykatën e Apelit të Korçës. Lena akuzohet si pjesë e grupit të 5 personave që tentuan të korruptonin me 5 mijë euro gjyqtarët e Apelit të Korçës për të liruar nga paraburgimi Bledar Kozici, i arrestuar për trafikim refugjatësh. Nga ky hetim, më parë në pranga me urdhër të SPAK, janë arrestuar 4 persona dhe janë vendosur nën masën “detyrim për t’u paraqitur” dy të tjerë.

 

arben lena prokuroria e posaçme

Sondazh

Poll

MË SHUMË