Sport

Gëzimi i Gasperinit: "Pikë historike, Dea një shembull që jep shpresë"

“Për skuadrat si e jona, të cilët nuk kanë shifra për të fituar, është vërtet e pabesueshme, por është një shenjë e mirë për të gjithë”.

10 Maj 2024, 08:00 Nga DOSJA
Gëzimi i Gasperinit: "Pikë historike, Dea një shembull

ITALI - Pas ‘hat-trick’-ut ndaj Marsejës,  Gian Piero Gasperini shijon kualifikimin historik për në finalen e Europa League.

"Unë mendoj se do të jetë një ngjarje historike, për skuadrat si e jona, të cilat nuk kanë shifra për të fituar, është vërtet e pabesueshme, por është një ogur i mirë për të gjithë, - shpjegoi trajneri i Atalantas. - Shembulli i Atalantës mund të japë shpresë, futbolli është i bukur për shkak të meritokracisë, jo për shkak të të drejtave të fituara gjenetikisht.

“Është një arritje historike për ne, ne festuam edhe pas Liverpoolit, pas Sportingut, është e drejtë që të jetë kështu, - vazhdoi ai. - Ne e dimë mirë që nuk ka mbaruar, fillimisht do të jetë Roma, pastaj Juventusi. Europa Liga është më prestigjioze”.

"Kjo është ADN-ja jonë, ishin të gjitha kushtet për të luajtur një ndeshje sulmuese, me një treshe të përbërë nga sulmues, - shtoi ai, duke komentuar ndeshjen kundër Marsejës.-Ishte një forcë, edhe nëse mund të ishim më konkret, e mbajtëm hapur lojën deri në 2-0 të Ruggerit.

Në bilbilin e fundit pak mendim shkoi te finalja, edhe pse kemi disa ndeshje për të luajtur, - vazhdoi ai. - Këtë vit ne kemi bërë një udhëtim vërtet të jashtëzakonshëm duke u përpjekur të çojmë përpara identitetin tonë". 

Kualifikimi i Leverkusenit. “I takuam dy vite më parë, në këtë finale po vijnë dy skuadra që ndoshta televizioneve nuk i pëlqejnë për shkak të vlerësimit të lartë, nëse duam është diçka e re, kjo u jep shpresë shumë ekipeve, na jep idenë se futbolli mund të të bëhet pa pasur miliona njerëz rresht, - përfundoi Gasperini. 

B.T (Dosja.al)

Sondazh

Poll

MË SHUMË