Art&Argëtim

Një tjetër Miss heq dorë nga kurora në SHBA, çfarë po ndodh me kompeticionin?

Dorëheqja e saj pason një tjetër miss që hoqi dorë nga titulli i saj në fillim të kësaj jave.

9 Maj 2024, 11:55 Nga S.B
Një tjetër Miss heq dorë nga kurora në SHBA,
UmaSofia Srivastava

SHBA- Miss Teen SHBA dha dorëheqjen ditën e djeshme duke shkaktuar tronditje të mëtejshme për komunitetin e konkursit, vetëm disa ditë pasi Miss SHBA njoftoi se do të hiqte dorë nga kurora.

Në një postim në Instagram të mërkurën, Miss Teen SHBA UmaSofia Srivastava tha se vlerat e saj personale nuk përputhen më plotësisht me drejtimin e organizatës.

“Pas muajsh përpjekjesh me këtë vendim, unë kam bërë zgjedhjen të heq dorë nga titulli i Miss Teen SHBA 2023”, shkroi Srivastava në një deklaratë në llogarinë e saj personale.

Adoleshentja nga New Jersey fitoi konkursin në shtator dhe kishte shprehur krenarinë e saj që ishte amerikanja e parë meksiko-indiane që mbante këtë post. Ajo tha se do të vazhdojë avokimin e saj për arsimim dhe pranim krahas punës së saj në Fondacionet Lotus Petal dhe Bridge of Books.

Dorëheqja e saj pason një tjetër miss që hoqi dorë nga titulli i saj në fillim të kësaj jave. Të hënën, Noelia Voigt dha dorëheqjen nga titulli Miss SHBA, duke përmendur shëndetin e saj mendor.

Postimi i saj nxiti spekulime në mesin e fansave të saj se Voigt po dërgonte një mesazh të fshehur në lidhje me një marrëveshje konfidencialiteti, me shkronjën e parë të 11 fjalive të para të deklaratës së saj ku shkruhej "Hesht".

Dorëheqjet, së bashku me largimin e drejtoreshës së mediave sociale të organizatës, Claudia Michelle, gjithashtu javën e kaluar, kanë ngritur pikëpyetje mes fansave në lidhje me kulturën e konkursit dhe nëse aspektet e saj kanë nevojë për një rishikim.

miss shba

Sondazh

Poll

MË SHUMË