Bota

Zbulohet laboratori i drogës në Kosovë, arrestohet një person, shpallet në kërkim një tjetër

Në laborator janë gjetur dhe sekuestruar gjithsej 409 bimëve të dyshuara të kanabisit, një pushkë gjuetie, si dhe pajisje tjera si poça, ventilim, termostate, nxehëse që shërbenin për rritjen e bimëve narkotike.

7 Maj 2024, 22:31 Nga B.Z
Zbulohet laboratori i drogës në Kosovë, arrestohet një
Foto nga laboratori

KOSOVË - Një laborator droge është zbuluar këtë të martë nga Policia në Leposaviç të Kosovës. Sipas njoftimit të policisë vendase në laborator janë gjetur dhe sekuestruar gjithsej 409 bimëve të dyshuara kanabisi, një pushkë gjuetie, si dhe pajisje të  tjera si poça, ventilim, termostate, nxehëse që shërbenin për rritjen e bimëve narkotike. Si rezultat ka rënë në pranga një person i dyshuar si pronar i laboratorit dhe është shpallur në kërkim bashkëpunëtori i tij.

Njoftimi i policisë së Kosovës:

Policia e Kosovës, konkretisht Njësia e antidrogës (DHTN) Mitrovicë veri pas një pune hetimore dhe sigurimit të informatave të besueshme nga tereni se disa persona të dyshuar kanë improvizuar një laborator për kultivimin e bimëve të dyshuara të kanabisit, sot me datën 07.05.2024, nën asistimin e zyrtarëve policorë nga Drejtoria rajonale e Policisë (DRP) Mitrovicë veri dhe patrullave të Stacionit Policor në Leposaviq kanë realizuar një operacion të suksesshëm bastisje dhe kontrolli në fshatin Miokovicë të Leposaviqit, Mitrovicë veri.

Bastisja është kryer në një shtëpi banimi të të dyshuarit me iniciale (M.I.) dhe objektet përcjellëse, ku në një objekt përcjellës banimi në një dhomë është gjetur një laborator i improvizuar për kultivimin e bimëve të dyshuara të kanabisit.

Operacioni policor ka rezultuar me gjetjen e gjithsej (409) bimëve të dyshuara të kanabisit me gjatësi prej 5 deri në 15 cm, një pushkë gjuetie me gjithsej (43) fishek të gjuetisë, si dhe pajisje tjera të cilat nevojiten për improvizimin e laboratorit (poqa, ventilim, termostate, nxehëse, etj.), si dhe një jakne e Policisë së Kosovës. Njësia e forenzikës ka bërë fotografimin dhe sekuestrimin e dëshmive.

 

laborator droge kosove

Sondazh

Poll

MË SHUMË