Politike

Berisha-protestuesve: Në ditën e shtypit, ju jeni bërë zëdhënës i atyre që nuk kanë zë

Ai i falenderoi mbështetësit e tij për mbledhjen e tyre çdo natë, ndërsa iu drejtua duke iu thënë "jeni bërë zëdhënës të të vërtetave, pavarësisht nga çmimi që kjo ka."

3 Maj 2024, 20:38 Nga r.ll

 

Berisha-protestuesve: Në ditën e shtypit, ju jeni bërë
sali berisha

 

TIRANË- Kryetari i Partisë Demokratike ka mbajtur fjalimin e tij tashmë të përnatshëm për mbështetësit e mbledhur poshtë banesës së tij. 

Berisha tha sot në ditën e shtypit, se qytetarët e mbledhur, me fjalën e tyre janë bërë zëdhënës i atyre që nuk kanë zë. Ai i falenderoi mbështetësit e tij për mbledhjen e tyre çdo natë, ndërsa iu drejtua duke iu thënë "jeni bërë zëdhënës të të vërtetave, pavarësisht nga çmimi që kjo ka."

PJESË NGA FJALA E BERISHËS:

Të dashur demokrate dhe demokratë, qëndrestare dhe qëndrestarë, misionarë të pamposhtur të kauzës së madhe të qytetarit shqiptar, kauzës së madhe të kombit dhe të Shqipërisë.

Një përshëndetje të përzemërt dhe mirënjohje të pakufishme ndaj jush, oratorëve të mrekullueshëm të parlamentit të lirisë, që përcjellin çdo natë në të katër anët e vendit me fjalën e tyre të lirë të vërtetat që fsheh në errësirën e tij, narkoshteti i Edi Ramës. Jeni sot këtu epiqendra më e fuqishme e anticensurës së kombit dhe kjo është një meritë e jashtëzakonshme.
Në ditën e shtypit, ju vini më krenarë se kurrë sepse ju me protestën tuaj, me fjalën tuaj jeni bërë zëdhënës i atyre që nuk kanë zë.

Jeni bërë zëdhënës i atyre që nuk guxojnë të flasin. Jeni bërë zëdhënës të atyre që kërcënimi u mbyll gojën. Jeni bërë zëdhënës të të vërtetave, pavarësisht nga çmimi që kjo ka. Të dashur miq, si zëdhënës të të vërtetave ju jeni bërë zëdhënës të mbarë demokratëve, të mbarë opozitarëve.

Por ju garantoj jo vetëm kaq, të mbarë socialistëve të ndershëm, të mbarë qytetarëve pa parti, të cilët kanë mësuar dhe mësojnë nga ju çdo ditë krimet monstruoze, vjedhjet monstruoze të qeveritarëve aktualë. Në këtë platformë, në mbrojtje të kauzës së drejtë, sot çdo qytetar shqiptar e kupton se këtu denoncohet çdo natë vjedhja e tij.

Dhe ky denoncim bëhet sepse është kjo vjedhje që varfëron atë nga muaji në muaj, nga viti në vit. Është kjo vjedhje e qindra e qindra milionë eurove që nuk lejon të rritet rroga e tij. Është kjo vjedhje që denoncojmë çdo natë e qindra e qindra milionë eurove që nuk lejon të rritet pensioni i tij apo i asaj. Është kjo vjedhje që i detyron qindra mijëra shqiptarë të largohen nga vendi i tyre sepse nuk ndërtojnë dot jetesën në Shqipëri. Zëri juaj, si zëri i të vërtetës, po ndriçon mendjen e të gjithë shqiptarëve.

sali berisha

Sondazh

Poll

MË SHUMË