Sport

Një tjetër yll argjentinas, në bisedime me Inter Miami për t’u bashkuar me Leo Messin!

Skuadra e MLS-së ka nisur tashmë bisedimet me një nga lojtarët më të rëndësishëm të Argjentinës, që ka fituar Kupën e Amerikës dhe Kupën e Botës në Katar.

2 Maj 2024, 18:41 Nga DOSJA

Një tjetër yll argjentinas, në bisedime me Inter Miami për

SHBA - Futbolli ndonjëherë është një grumbullim rastësish, që përfundojnë duke bashkuar të gjithë yjet e nevojshëm që topi të buzëqeshë. E njëjta gjë mund të ndodhë sërish me Inter Miami si protagonist.

Klubi amerikan tashmë ka në radhët e tij Lionel Messin, Luis Suarez, Jordi Alba dhe Sergio Busquets, të cilët u takuan te Barça dhe kanë një miqësi të madhe që kalojnë në jeshile. 

Epo, një mik i ri i Lionel Messit mund të zbresë në MLS për të luajtur përkrah tyre. Nuk është kushdo, është Ángel Di María, sigurisht lojtari më i mirë argjentinas i dekadës së fundit pas vetë Leos. 

Kontrata e anësorit të Benficas përfundon në qershor, për momentin ai nuk ka rinovuar me skuadrën portugeze dhe e ardhmja e tij mund të jetë larg Evropës.

Edhe pse të gjitha rrugët çuan në një rikthim te Rosario Central, klubi i fillimeve dhe dashurive të tij, kërcënimet e bëra ndaj familjes, kanë bërë që ish-lojtari i Real Madridit dhe PSG-së, ndër të tjera, të rishikojë situatën e tij dhe të vlerësojë të tjera alternativa. 

Sipas gazetarit Leo Paradizo, një specialist i futbollit argjentinas për ESPN, negociatat do të kishin filluar tashmë dhe të dyja palët do të mirëprisnin inkorporimin e tij. 

Skuadra e drejtuar nga Tata Martino , i cili tashmë ka trajnuar Di Marían në kombëtare, është lider në Konferencën Lindore të MLS, me Lionel Messin që kryeson tabelën e golashënuesve (9) dhe asistimeve (8). 

B.T (Dosja.al)

Sondazh

Poll

MË SHUMË