Aktualitet

Vdekja e të moshuarve në Dropull, Policia: Dhuna është shkaktuar nga mjete të forta rrethanore

Sipas policisë trupat e dy të moshuarve Kosta Ilia 84 vjeç dhe Kleoniqi Ilia 88 vjeçe janë gjetur të vdekur rreth orës 08:00.

2 Maj 2024, 10:21 Nga I.A
Vdekja e të moshuarve në Dropull, Policia: Dhuna është
Policia

DROPULL- Policia ka dhënë detaje në lidhje me krimin në Dropull. Sipas policisë trupat e dy të moshuarve Kosta Ilia 84 vjeç dhe Kleoniqi Ilia 88 vjeçe janë gjetur të vdekur rreth orës 08:00. Ndërkohë që sipas policisë dhuna ndaj të moshuarve, e cila u ka marrë dhe jetën, është shkaktuar nga mjete të forta rrethanore.  

Njoftimi i Policisë:

Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.

Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive. Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes.

kosta ilia kleoniqi ilia

Sondazh

Poll

MË SHUMË