Në dokumentin e publikuar nga gazetarja Lala, thuhet se kërkesa ndaj Veliajt është bërë më 24 prill.
TIRANË- Kryetari i Bashkisë së Tiranës, Erion Veliaj ditën e sotme u paraqit ne ambientet e SPAK ndersa deklaroi para mediave se kishte shkuar vullnetarisht për të dëshmuar për dosjen e inceneratorëve. Në lidhje me paraqitjen e Veliajt në SPAK gazetarja Klodiana Lala ka publikuar në emisionin “Open” në "News 24" një dokument sipas të cilit SPAK i ka dërguar fletëthirrje kryebashkiakut.
Në dokumentin e publikuar nga gazetarja Lala, thuhet se kërkesa ndaj Veliajt është bërë më 24 prill.
Fletëthirrja:
Prokuroria e Posaçme Kundër Korrupsionit e Krimit të Organizuar
Urdhër për thirrjen e shtetasit Erion Veliaj
Tiranë, 24 prill 2024
Unë, Dritan Prençi, me detyrë prokuror në Prokurorinë e Posaçme Kundër Korrupsionit e Krimit të Organizuar në zbatim të nenit 312 të Kodit të Procedurës Penale për marrjen e të dhënave në funksion të hetimit të procedimit penal numër 255 viti 2020.
Urdhëroj: Shtetasi Erion Luan Veliaj, i ditëlindjes 17.12.1979, me detyrë kryetar i Bashkisë Tiranë, të paraqitet në Prokurorinë e Posaçme kundër Korrupsionit dhe Krimit të Organizuar, në datën 30 prill 2024, ditën e martë, në orën 10:00, tek hetuesi A. S., për marrjen e të dhënave për rrethana të dobishme në funksion të hetimit procedurial penal numër 255, viti 2020 (me vete të ketë dokument identifikimi).
Paraqitja e shtetasit të mësipërm kërkohet me qëllim pyetjen e tij si person që ka dijeni lidhur me rrethanat e hetimit, lidhur me hetimet paraprake procedimi penal 255, viti 2020.
Në rast mosparaqitjeje, ditën dhe orën e caktuar, pa pasur pengesa të ligjshme, paralajmërohemi se në bazë të nenit 312/2 të Kodit të Procedurës Penale, do të urdhërohet shoqërimi juaj i detyrueshëm nga Policia Gjyqësore.
Njoftimi i mësipërm të kryhet me anë të shërbimit postar në adresën e punës Bashkia Tiranë.
Prokurori i çështjes, Dritan Prençi
Veliaj është paraqitur paraditen e sotme në Prokurorinë e Posaçme ku është pyetur për rreth 7 orë e gjysmë. Ai e kishte paralajmëruar vetë ditën e shtunë që do të paraqitej në SPAK. Ai është thirrur nga prokurori i posaçëm Dritan Prenci, si person që ka dijeni në lidhje me inceneratorin e Tiranës.
Për aferën e inceneratorit të Tiranës është caktuar masë arresti në burg për Alqi Bllakon, Taulant Tushën, Namik Simirxhiun, Bledar Karolin dhe Lefter Kokën. Ndërsa në 'arrest shtëpie' janë 7 të tjerë, konkretisht Etleva Kondi, Valbona Ballgjini, Alba Thoma, Sidita Kopliku, Silena Toma, Pëllumb Abeshi dhe Jetmir Llapaj. Të akuzuarit Erjon Murataj dhe biznesmenët pronar të "Integrated Energy B.V SPV” Klodian Zoto e Mirel Mërtiri, janë në kërkim.
klodiana lala TIRANË- Gazetarja Klodiana Lala ka zbuluar një njoftim i cili vërteton se kryebashkiaku Erion Veliaj nuk i ka dhuruar ambiente...
erion veliaj TIRANË- Kryebashkiaku i Tiranës, Erion Veliaj pasi dëshmoi në SPAK për 7 orë rresht, tha se paraqitja e tij n&eu...
Berisha TIRANË- Kreu i Partisë Demokratike, Sali Berisha gjatë fjalës së tij para mbështetësve foli në lidhje ...
edi rama dhe ulsi manja TIRANË- Në një përgjigje zyrtare për BIRN të martën, Prokuroria e Posaçme bëri me di...
Sali Berisha TIRANË- Kreu i Partisë Demokratike Sali Berisha ka mbajtur edhe sot fjalën e tij para mbështetësve. Berisha tha se i ...
erion veliaj TIRANË- Kryetari i Bashkisë së Tiranës, Erion Veliaj u pyet të martën për gati 7 orë pë...
Berisha TIRANË- Kreu i Partisë Demokratike, Sali Berisha gjatë fjalës së tij para mbështetësve foli në lidhje me pa...
argita malltezi TIRANË- Argita Malltezi, e cila ka marrë pjesë edhe në protestën e sotme të opozitës ka komentuar paraq...
Protesta TIRANË- Deputeti i Partisë Demokratike, Tomor Alizoti mori pjesë në protestën e opozitës të zhvilluar para bash...
erion veliaj ne spak TIRANË- Kryetari i Bashkisë së Tiranës prej rreth 8 orësh është marrë në pyetje nga SPAK...