Sport

Pikë kthesë në Premier League: klubet votuan për kufizimin e shpenzimeve!...

Rregullat e reja do të hyjnë në fuqi nga sezoni 2025-26: do të ketë një kufi proporcional për të ardhurat e skuadrave në fund të tabelës.

29 Prill 2024, 19:08 Nga DOSJA

ANGLI - Premier League po përgatitet të kufizojë shpenzimet. Shumica e klubeve në fakt kanë votuar në favor të prezantimit të një plani për uljen e kostove, duke filluar nga sezoni 2025-26.

Manchester United, Manchester City dhe Aston Villa, votuan kundër idesë, ndërsa Chelsea abstenoi. Të 16 skuadrat e tjera janë në favor të kufirit të shpenzimeve. Sipas ‘The Athletic’, kufiri i ri do t'i lejojë klubet të shpenzojnë vetëm pesëfishin e të ardhurave nga reklamat dhe televizionet e fundit të tabelës.

Votimi i klubeve u zhvillua në Londër në hotelin ‘Churchill’. Megjithatë, për ratifikimin zyrtar dhe përfundimtar të planit të ri të kontrollit të kostos, do të duhet të presim mbledhjen e përgjithshme vjetore, e cila do të mbahet në qershor.

Përpara “referendumit”, sipas mediave britanike, kompanitë do të kishin diskutuar më tej detajet e kufirit të shpenzimeve, duke regjistruar qëndrimet e tyre të ndryshme për këtë çështje.

Si në lidhje me prezantimin e përgjithshëm të planit të uljes së kostos, ashtu edhe në indeksin e mundshëm me të cilin duhet të shumëzohen të ardhurat e të fundit në renditje. Temat që do të diskutohen sërish në qershor, në mënyrë më të thellë bashkë me sanksionet e mundshme për ata që nuk respektojnë rregullat.

Në bazë të projektit, duke mbajtur të paprekur konkurrencën e klubeve angleze në Evropë, ekziston ideja e zvogëlimit të hendekut midis fuqisë ekonomike të gjashtë klubeve më të pasura dhe më të rëndësishme në Premier League dhe pjesës tjetër të skuadrave për ta bërë më të ekuilibruar dhe luftuan kampionatin.

Nëse kufiri do të ishte vendosur sezonin e kaluar, kufiri maksimal i shpenzimeve për klubet Premier League do të kishte qenë 518 milionë paundë, ose pesë herë më shumë se të ardhurat nga reklamat dhe transmetimet e Southampton prej 103.6 milionë paundë.

B.T (Dosja.al)