Bota

Norovirusi prek Gjermaninë, mbi 800 persona janë infektuar në festivalin e pranverës në Shtutgart

Nuk është e qartë se si u kontraktua fillimisht virusi, por shkalla e infeksionit është rritur gjatë javës.

26 Prill 2024, 17:42 Nga S.B
Norovirusi prek Gjermaninë, mbi 800 persona janë infektuar në
foto ilustruese

GJERMANI- Një shpërthim i norovirusit në një festival në Gjermaninë jugperëndimore ka prekur më shumë se 800 njerëz. Nuk është e qartë se si u kontraktua fillimisht virusi, por shkalla e infeksionit është rritur gjatë javës.

Zyrtarët e Shtutgartit besojnë se nuk ishte e lidhur me ushqimin ose pijen e shërbyer në tendën e festivalit pasi mostrat e marra kanë rezultuar të gjitha negative. Departamenti i shëndetësisë i qytetit testoi gjithashtu stafin e marques, si dhe enët dhe ujin e përdorur për larjen e tyre.

Në vend të kësaj ata po supozojnë se virusi është transmetuar nga personi në person, ndoshta përmes ajrit, megjithëse nuk është e qartë nëse burimi origjinal ishte një vizitor apo një punonjës. Vizitorët u ankuan shpejt për të vjella, të përziera dhe diarre.

Deri të premten pasdite, zyrtarët shëndetësorë të Shtutgartit thanë se numri i personave të infektuar kishte arritur në 815. Festivali i pranverës, në brigjet e lumit Neckar, u hap të shtunën e kaluar dhe zgjat 23 ditë me një larmi lojërash, tezgash, baresh dhe marques që ofrojnë pije freskuese. Vitin e kaluar tërhoqi 1.4 milionë vizitorë.

Zyrtarët shëndetësorë të Shtutgartit thonë se nuk ka asnjë provë për shkeljen e rregullave të higjienës. Marque Göckelesmaier u dezinfektua plotësisht pas fundjavës së kaluar dhe që atëherë është rihapur.

gjermani norovirusi

Sondazh

Poll

MË SHUMË