Sport

Phil Foden plotëson ‘trisin’ me Messin dhe Haaland, pas ndeshjes ndaj Brighton…

Mesfushori i Manchester Cityt kontribuoi me një dopietë në 0-4 ndaj 'Pulëbardhave'.

26 Prill 2024, 11:15 Nga DOSJA

Phil Foden plotëson ‘trisin’ me Messin dhe Haaland, pas

ANGLI - Phil Foden mori pjesë këtë të enjte në një tjetër natë brilante për ‘Qytetarët’, në të cilën arritën jo vetëm të mposhtin Brighton të Roberto De Zerbit, por edhe të rrisin ndjeshëm shanset për të fituar Premier League. Të rinjtë e Pep Guardiolës tani janë vetëm një pikë prapa Arsenalit të  Artetës, me një ndeshje më pak. 

Ishte De Bruyne ai që hapi rezultatin në minutën e 17-të. Më pas Foden shtoi edhe dy gola të tjerë në tabelë, me më pak se dhjetë minuta diferencë. Dhe në fund, Julián Álvarez përfundoi dënimin e ndeshjes 0-4 me golin e tij në minutën e 62-të. 

Pavarësisht meritës së të gjithë ekipit, Phil Foden ishte ai që doli në qendër të vëmendjes. I riu anglez po luan sezonin e tij më të mirë të golashënuesve te City, me 24 gola në 48 ndeshje, përveç 10 asistimeve. 

Me dopiedën e tij kundër Brighton, Foden shënoi gjithsej 51 gola në Premier League. Kjo e bën atë lojtarin e tretë që arrin 50 gola nën drejtimin e Pep Guardiolës në moshën 23 vjeç ose më të ri. Dy të tjerët janë Lionel Messi dhe Erling Haaland.

Guardiola, i kënaqur me lojtarin e tij, beson se ai në fund të sezonit duhet të kurorëzohet si lojtari më i mirë në Premierligë, siç tha për 'Sky Sports'. "Sigurisht, - tha ai, - por Foden dëshiron të fitojë Premier League. Ai ka thënë se dëshiron një titull tjetër. Ndikimi i tij në të tretën e fundit, me golat e tij dhe gjithçka, ai sot luajti më mirë se dy ose tre ndeshjet e fundit. Ai u ndje pak më i qetë dhe ishte shumë i mirë në vendimmarrjen e tij”, vlerësoi trajneri spanjol talentin Phil Foden.

B.T (Dosja.al)

Sondazh

Poll

MË SHUMË