Bota

Lufta në Ukrainë/ Zelenskyy paralajmëron për aksidentin bërthamor të Zaporizhia në 38 vjetorin e Çernobilit

Ushtria ruse mori kontrollin e këtij centrali bërthamor, i vendosur në jug të Ukrainës, pothuajse menjëherë pas pushtimit të vendit.

26 Prill 2024, 11:07 Nga E. D
Lufta në Ukrainë/ Zelenskyy paralajmëron për aksidentin
foto ilustruese

UKRAINA- Presidenti ukrainas Volodymyr Zelenskyy paralajmëroi sot për rrezikun e një aksidenti bërthamor në stacionin Zaporizhia, i cili është kapur nga forcat ruse, me rastin e 38-vjetorit të fatkeqësisë së Çernobilit. Ushtria ruse mori kontrollin e këtij centrali bërthamor, i vendosur në jug të Ukrainës, pothuajse menjëherë pas pushtimit të vendit. Gjithashtu para se të merrej nga rusët, stacioni Zaporizhia prodhonte 20% të energjisë elektrike të Ukrainës.

“Kanë kaluar 785 ditë që kur terroristët rusë morën peng termocentralin bërthamor të Zaporizhia,” tha Zelenskyy sot për X. 

Më 26 prill 1986, kur Ukraina ishte ende pjesë e Bashkimit Sovjetik, një reaktor në termocentralin bërthamor të Çernobilit, që ndodhet rreth 100 kilometra në veri të Kievit, shpërtheu. Ky aksident bërthamor, i konsideruar si më i keqi në histori, shkaktoi kontaminimin e zonave të gjera, kryesisht në Ukrainë, Bjellorusi dhe Rusi. Në ditën e parë të pushtimit rus të Ukrainës, më 24 shkurt 2022, forcat ruse hynë në zonën e përjashtimit shumë radioaktiv rreth Çernobilit përmes Bjellorusisë dhe kapën centralin, i cili nuk është më funksional.

Sipas kievit ata qëndruan atje për një muaj përpara se të largoheshin dhe të grabitnin pajisjet. Gjithashtu termocentrali bërthamor i Zaporizhia vazhdoi të funksionojë në muajt e parë pas pushtimit rus, pavarësisht pushtimit të tij nga forcat ruse dhe granatimeve të zonës përreth. Ajo ndaloi së punuari në vjeshtën e vitit 2022. Kievi dhe Moska kanë akuzuar vazhdimisht njëri-tjetrin për bombardimin e zonës përreth centralit bërthamor.

volodymyr zelenskyy

Sondazh

Poll

MË SHUMË