Sport

Carlo Ancelotti, edhe një 'lektor' luksoz…

Del Piero dhe pjesa tjetër e studentëve për trajnerë të Federatës Italiane zhvilluan një bisedë me Ancelottin dhe ishin në seancën stërvitore të Real Madridit.

24 Prill 2024, 14:20 Nga DOSJA

Carlo Ancelotti, edhe një 'lektor' luksoz…

SPANJE - Carlo Ancelotti është një mjeshtër në stol, por ai është gjithashtu edhe një mjeshtër për trajnerët e ardhshëm. Kështu, sipas gazetës ‘Tutto Sport’, trajneri i Real Madrid ka bërë një ‘master class’ për pjesëmarrësit në kursin e trajnimit të Federatës Italiane të Futbollit.

Mes tyre është edhe Del Piero, i cili ishte nën drejtimin e Ancelottit te Juventus. Ishin edhe ish-lojtarë dhe të tjerë si Ignazio Abate, Andrea Dossena, Marco Parolo, Giampiero Pinzi, Ibrahim Ba, Cristian Ledesma, Guglielmo Stendardo dhe Simone Padoin, të cilët sot qenë në Valdebebas për të ndjekur seancën stërvitore të Real Madridit.

Dje, të gjithë morën pjesë në një ‘leksion’ të Ancelottit në të cilin, sipas Tutto Sport, trajneri i Real Madridit i tha atyre se "Unë e mbaj mend gjithmonë shkollën e trajnerëve, sepse aty fillon të kuptosh se çfarë duhet të bësh për të qenë trajner. Dhe nga ajo përvojë e mbaj mend mirë shkëmbimin e ideve, shkëmbimet e mendimeve që bëheshin me shokët e mi të klasës, e përsëris: shkolla italiane është më e mira në botë,”- ka thenë Ancelotti.

B.T (Dosja.al)

Sondazh

Poll

MË SHUMË