Sport

Mjeku jep OK për lojtarin e Romës që të kthehet në fushë!

Pasi kaloi natën nën vëzhgim, Ndiçka mundi të kthehej në Romë pasi ekzaminimet nuk zbuluan ndonjë "patologji kardiake" por "traumë gjoksi me pneumotoraks minimal të majtë".

24 Prill 2024, 09:01 Nga DOSJA
Mjeku jep OK për lojtarin e Romës që të kthehet në

ITALI - Futbollisti i Romës, Evan Ndiçka, i cili u rrëzua në tokë gjatë ndeshjes kundër Udineses, ka marrë lejen e mjekut për t'u rikthyer në aktivitete fizike, njoftoi sot klubi italian.

“Ndiçka iu nënshtrua një sërë ekzaminimesh kardiake dhe pulmonare të nivelit të tretë që konfirmuan mungesën e ndonjë patologjie kardiake dhe shërimin e pneumotoraksit minimal të vërejtur (prania e ajrit në indet e mushkërive) ”, tha Roma. “Si rezultat, lojtari mund të vazhdojë aktivitetin fizik dhe do të mbetet nën mbikëqyrje ”, thuhet në deklaratë.

Megjithatë, Roma nuk ka thënë se kur do të kthehet futbollisti në fushën e blertë. Mbrojtësi 24-vjeçarë u rrëzua më 14 prill në minutën e 70-të të ndeshjes Udinese-Roma. Ai u dërgua me urgjencë në spital pasi dyshohej se kishte pësuar një atak në zemër.

Pasi kaloi natën nën vëzhgim, Ndiçka mundi të kthehej në Romë pasi ekzaminimet nuk zbuluan ndonjë "patologji kardiake" por "traumë gjoksi me pneumotoraks minimal të majtë".

B.T (Dosja.al)

Sondazh

Poll

MË SHUMË