Sport

Fabio Capello dhe ‘Top 4’ më të mirët e futbollit të zgjedhur prej tij: "Cristiano di të bëjë gjithçka, por ai nuk është një gjeni"...

Italiani bëri një renditje të lojtarëve më të mirë në historinë e futbollit në një konferencë për shtyp para ndarjes së çmimeve Laureus

22 Prill 2024, 17:14 Nga DOSJA

Fabio Capello dhe ‘Top 4’ më të mirët e futbollit

SPANJE - Fabio Capello nuk është nga ata që preferon të kafshojë gjuhën kur flet për shtypin. Diçka që Julio Baptista e shpjegoi tashmë vite më pare, për të siguruar që italiani ka qenë gjithmonë "një trajner i sinqertë".

Dhe si i tillë, konferenca për shtyp e thirrur në prag të çmimeve ‘Laureus Madrid 2024’ nuk do të ishte ndryshe për një zë autoritar nga bota e futbollit. Ai u ul me Raul, Desailly, Gullit dhe Del Piero, për të analizuar kampionatin ‘Euro 2024’ në Gjermani  dhe përfundoi duke folur për fjalën "gjeni", duke dhënë shembuj të futbollistëve që sipas tij plotësojnë atë përkufizim.

I pyetur nëse Lamine Yamal mund të jetë një ditë diçka e ngjashme me Leo Messin në Barcelonë, trajneri italian e bëri shumë të qartë në rastin e pare, pasi shpjegoi se çfarë ndjeu herën e parë kur pa gjeniun argjentinas live: "E gjeta Messin te Gamper dhe pas 20-25 minuta pas ndeshjes, iu afrova Rijkardit dhe i kërkova që të ma huazonte atë sezon. Ai ishte gjeni”,- tha ai.

Vlerësimi për Cristianon... dhe teknologjia e golit

Në këtë tavolinë futbolli ishte befasuese të mos shihje ulësen e preferuar të Cristiano Ronaldos. Debatet janë rrotulluar gjithmonë rreth figurës së yllit portugez, të cilit i është dashur të luftojë, ndoshta më shumë sesa do ta detyronin numrat dhe titujt e tij për të parë emrin e tij në një listë, në të cilën ai ka fituar të ulej me gjenitë e tjerë të këtë sport. Megjithatë, në sytë e Fabios, numri ‘7’ bie në një kategori krejtësisht të ndryshme. "Ai është një lojtar i madh, ai fitoi tituj, ‘Topin e Artë’,... por siç thashë më parë, ai nuk ka qenë aq i madh sa Messi. Ronaldo është një golashënues i madh dhe di të bëjë gjithçka, por ai nuk është një gjeni”,- tha ai.

Dhe kur u duk se Capello i kishte përcaktuar tashmë gjenitë e tij në ‘Top 3’ të futbollit, italiani foli sërish për të përfshirë një anëtar të katërt në grup: “Duke folur për gjenitë, kam harruar një që mund të hynte gjithashtu: Ronaldo i shëndoshë”.

Më tej, Capello foli edhe për ‘El Clasicon’ dhe me një buzëqeshje vesh në vesh i bëri vetes pyetjen që po ia bën aktualisht gjysma e botës: “Të flasim për futbollin spanjol dhe ‘El Clasicon’: Si ka mundësi që nuk ka teknologjinë e golit?", lançuar në dhomën e shtypit të Pallatit Cibeles.

B.T (Dosja.al)

Sondazh

Poll

MË SHUMË