Bota

Kosova dhe Serbia sot në tryezën e Këshillit të Sigurimit, pritet përballja Osmani-Vuçiç

Osmani pritet të flasë për progresin, zbatimin e reformave, të drejtat e njeriut, demokracinë, sundimin e ligjit si dhe fusha të tjera me rëndësi për Kosovën.

22 Prill 2024, 08:03 Nga M.B
Kosova dhe Serbia sot në tryezën e Këshillit të Sigurimit,
Vjosa Osmani

NEW YORK- Presidentja e Kosovës, Vjosa Osmani do ta përfaqësojë sot vendin në Këshillin e Sigurimit të OKB-së, në seancën, e cila mbahet në orën 16:00. Osmani pritet të flasë për progresin, zbatimin e reformave, të drejtat e njeriut, demokracinë, sundimin e ligjit si dhe fusha të tjera me rëndësi për Kosovën. Ajo po ashtu do të flasë për domosdoshmërinë për drejtësi për krimet e kryera nga Serbia në Kosovë.

Bashkëshorti i presidentes Osmani, Prindon Sadriu, i ka ftuar qytetarët që të përgatiten për përballjen Osmani-Vuçiç në Këshillin e Sigurimit në OKB. Ai shkruan se presidentja Osmani përfaqëson demokracinë dhe lirinë ndërsa Vuçiç mishëron autokracinë dhe përfaqëson një regjim gjenocidal.

“Në orën 16:00 në KS të OKB-së, përgatituni për një përballje mes dy forcave dhe ideologjive të kundërta: Presidentes të Kosovës, që përfaqëson demokracinë dhe lirinë, kundrejt Presidentit të Serbisë që mishëron autokracinë dhe përfaqëson një regjim gjenocidal”, ka shkruar Sadriu në “X”.

kosova serbia

Sondazh

Poll

MË SHUMË