Bota

Ukraina sulmon anijen më të vjetër në botë të Rusisë, nga dëmtimet e marra nuk mund të përdoret më në misione

Sipas Dmytro Pletenchuk, një përfaqësues i PN-së ukrainase, anija "Kommuna" u godit ndërsa ishte ankoruar në Gjirin e Sevastopolit dje në mëngjes dhe tani ajo nuk është në gjendje të kryejë më misione pas sulmit.

22 Prill 2024, 07:36 Nga N.F
Ukraina sulmon anijen më të vjetër në botë të
Anija Kommuna

RUSI- Ushtria ukrainase njoftoi të dielën se ka goditur dhe dëmtuar një anije shpëtimi të marinës ruse, më e vjetra ende në shërbim në botë, në Sevastopol në gadishullin e Krimesë. Sipas Dmytro Pletenchuk, një përfaqësues i PN-së ukrainase, anija "Kommuna" u godit ndërsa ishte ankoruar në Gjirin e Sevastopolit dje në mëngjes dhe tani ajo nuk është në gjendje të kryejë më misione pas sulmit.

Forcat e armatosura të Ukrainës raportuan përmes Telegramit se është një nga anijet më të vjetra të Marinës Ruse, e nisur në vitin 1913. Sipas raportimeve, catamaran ishte i përfshirë në një mision për të tërhequr trupa dhe materiale të ndjeshme kur ushtria ukrainase fundosi Moskva, anijen e Flotës së Detit të Zi, në prill 2022.

Presidenti ukrainas, Volodymyr Zelenskyy ka mbrojtur vazhdimisht sukseset e ushtrisë së tij në sulmet kundër flotës ruse të Detit të Zi, e cila është e vendosur në Krime, një gadishull i aneksuar nga Rusia në 2014. Sipas Pletenchuk në operacionet e Ukrainës afërsisht një e treta e kësaj flote është shkatërruar ose jashtë funksionit që nga shpërthimi i luftës.

Guvernatori i Sevastopolit, Mikhail Razvazaev tha dje se forcat e armatosura ruse kishin zmbrapsur një sulm me raketa që synonte një anije të ankoruar, duke shtuar se mbeturinat kishin shkaktuar një zjarr të vogël të cilin ai siguroi se ishte shuar menjëherë.

lufta ukraine-rusi

Sondazh

Poll

MË SHUMË