Bota

Foshnja në Gaza shpëtohet nga barku i nënës së vrarë në sulmin izraelit

Foshnja, me peshë 1.4 kg dhe e lindur në një prerje urgjente cezariane, ishte e qëndrueshme dhe po përmirësohej gradualisht, tha Mohammed Salama, një mjek që kujdeset për të.

21 Prill 2024, 17:44 Nga E. D
Foshnja në Gaza shpëtohet nga barku i nënës së
foto nga vendngjarja

GAZA- Një vajzë u lind nga barku i një palestineze të vrarë së bashku me burrin dhe vajzën e saj nga një sulm izraelit në qytetin Rafah të Gazës, ku 19 njerëz vdiqën gjatë natës në sulmet e intensifikuara, raportuan zyrtarët palestinezë të shëndetësisë. Foshnja, me peshë 1.4 kg dhe e lindur në një prerje urgjente cezariane, ishte e qëndrueshme dhe po përmirësohej gradualisht, tha Mohammed Salama, një mjek që kujdeset për të.

Nëna e saj, Sabreen Al-Sakani, kishte qenë 30 javë shtatzënë. Gjithahtu foshnja u vendos në një inkubator në një spital në Rafah së bashku me një foshnjë tjetër, me fjalët "Fëmija e dëshmorit Sabreen Al-Sakani" të shkruara në shirit në kraharorin e saj.

"Vajza e vogël e Sakanit, Malak, e cila u vra në sulm, kishte dashur ta emëronte motrën e saj të re Rouh, që do të thotë shpirt në arabisht, tha xhaxhai i saj Rami Al-Sheikh. Vajza e vogël Malak ishte e lumtur që motra e saj po vinte në jetë ”, tha ai.

mjeku tha gjithashtu se foshnja do të qëndronte në spital për tre deri në katër javë. 

"Pas kësaj do të shohim largimin e saj, dhe ku do të shkojë ky fëmijë, te familja, te tezja apo xhaxhai apo gjyshërit. Këtu është tragjedia më e madhe. Edhe nëse kjo fëmijë shpëton, ajo ka lindur jetim", tha ai. 

13 fëmijët u vranë në një sulm në shtëpinë e dytë, që i përkiste familjes Abdel Aal, sipas zyrtarëve palestinezë shëndetësorë. Në atë sulm u vranë edhe dy gra.

lufta në gaza

Sondazh

Poll

MË SHUMË