Aktualitet

Të akuzuar për spiunazh, Prokuroria e Elbasanit përfundon hetimet për 2 blogerët rusë dhe ukrainasin

Ndaj tyre është ngritur akuza e sigurimit të informacioneve sekrete, me qëllim që informacioni t’i jepet një fuqie të huaj. Të pandehurit kanë 10 ditë kohë që të kundërshtojnë akuzën e Prokurorisë dhe të paraqesin pretendimet e tyre.

21 Prill 2024, 16:35 Nga N.F

Të akuzuar për spiunazh, Prokuroria e Elbasanit përfundon hetimet

ELBASAN- Prokuroria e Elbasanit ka përfunduar hetimet për dy rusët dhe ukrainasin, që akuzohen për spiunazh pas incidenteve të regjistruara pasi vizituan Uzinën e Gramshit. Prokuroria ka marrë të pandehur Svetlana Timofeevan, Mikail Zorin dhe ukrainasin Fedir Alpatov.

Ndaj tyre është ngritur akuza e sigurimit të informacioneve sekrete, me qëllim që informacioni t’i jepet një fuqie të huaj. Të pandehurit kanë 10 ditë kohë që të kundërshtojnë akuzën e Prokurorisë dhe të paraqesin pretendimet e tyre. Timofeeva dhe Alpatov prej muajsh janë në gjendje të lirë, ndërsa Mikail Zorin mbahet në arrest shtëpie.

33-vjeçarja, Svetlana Timofeeva u arrestua më 20 gusht 2022 së bashku me 23-vjeçarin, Mikahil Zorin dhe ukrainasin 24-vjeçar, Fedir Alpatovpas një incidenti të ndodhur brenda rrethimit të ish-uzinës së armëve në Gramsh. Zorin kundërshtoi dy ushtarakët që tentuan ta ndalonin dhe përdori spray me piper kundër tyre.

Tre të arrestuarit njihen si blogerë dhe janë pjesë e një subkulture të quajtur “Urban Explorer” apo “Urbex”; të apasionuar për të vizituar dhe fotografuar godina të braktisura, përfshi objekte ushtarake të “Luftës së Ftohtë”. Prokuroria shqiptare i akuzoi ata për spiunazh dhe pretendoi se treshja kishte ardhur në Shqipëri për të mbledhur informata ushtarake dhe strategjike të sigurisë kombëtare. Të tre ata i kanë mohuar në vazhdimësi akuzat.

svetlana timofeeva prokurori elbasan sulm uzina e gramshit

Sondazh

Poll

MË SHUMË