Sport

Bavarezët në kërkim të një trajneri që flet anglisht, drejtori sportiv i Bayernit tregon edhe për refuzimin e Julian Nagelsmann…

Max Eberl zbuloi se bavarezët janë në kërkim të një trajneri të ri dhe gjithashtu foli për 'refuzimin' e Julian Nagelsmann.

21 Prill 2024, 15:00 Nga DOSJA

Bavarezët në kërkim të një trajneri që flet

GJERMANI - Pasi Julian Nagelsmann, favoriti kryesor për të zëvendësuar Thomas Tuchel si trajner i Bayernit, rinovoi kontratën me kombëtaren gjermane, mbeti pyetja se cili do të ishte objektivi i ardhshëm i bavarezëve. Për të dhënë disa përgjigje, drejtori sportiv i Bayernit, Max Eberl, zbuloi për ‘Sky Sport’ detaje rreth largimit të Nagelsmann, kur ai ishte ende trajner i Bayernit (2021/22).

“Duhet të flasim me trajnerët për të gjetur dikë dhe ne kemi një listë të njerëzve me të cilët u përpoqëm të bisedonim. Ky ishte rasti edhe me Julian (Nagelsmann). Ne folëm edhe me të. Dhe në një moment, ne e kuptojmë se lëndimi i tij është ende i thellë. Ndarja me të është ende shumë e freskët dhe, për rrjedhojë (rinovimi me kombëtaren gjermane) nuk na befason”,- tha Eberl, duke kujtuar kohën kur Nagelsmann u shkarkua nga Bayern.

Në lidhje me trajnerin e ri, drejtori sportiv i Bayernit u përpoq të qetësonte tifozët: “E di që koha po na shtyn dhe ne duam t'i bëjmë gjërat shpejt, por gjithashtu duam t'i bëjmë ato në mënyrën më rigoroze dhe më të plotë të mundshme. Jemi duke punuar për detajet përfundimtare dhe shpresojmë që së shpejti të jemi në gjendje të njoftojmë diçka”.

Kur u pyet nëse trajneri i ri i Bayernit do të duhej të fliste gjermanisht, Eberl tha: "Jo, por ai duhet të flasë anglisht". Përballë kësaj përgjigjeje, gazetarët e ‘Sky Sport’ shfrytëzuan rastin për të sqaruar nëse klubi kishte kontaktuar Zidane për të qenë trajneri i ri, për të cilin Eberl u përgjigj: “Nuk e di nëse ai flet anglisht”.

B.T (Dosja.al)

Sondazh

Poll

MË SHUMË