Bota

Kishte planifikuar me detaje në 129 faqe dokument masakrën që do të kryente në ish-shkollën e tij fillore, arrestohet në SHBA 18-vjeçari transgjinor

Në tekstin prej 129 faqesh, i riu përshkroi sulmin që kishte planifikuar të kryente në një shkollë. Ai e ndau dokumentin e shkruar me një person tjetër, i cili e denoncoi në polici. Dyshja ishin njohur më herët në një institucion psikiatrik.

19 Prill 2024, 22:04 Nga r.ll
Kishte planifikuar me detaje në 129 faqe dokument masakrën që do
alex ge

SHBA- Policia në Maryland ka vënë në pranga një 18-vjeçar të akuzuar për planifikimin e një sulmi me armë në ish-shkollën e tij fillore. Alex Ge u arrestua pasi u publikua nga hetimet e FBI-së dhe policisë një histori që ai shkroi ku përshkruante si do të realizonte sulmin.

Siç raporton BBC, ai tani akuzohet për kërcënim me dhunë masive dhe mund të përballet me 10 vjet burg. Në tekstin prej 129 faqesh, i riu përshkroi sulmin që kishte planifikuar të kryente në një shkollë. Ai e ndau dokumentin e shkruar me një person tjetër, i cili e denoncoi në polici. Dyshja ishin njohur më herët në një institucion psikiatrik.

Historia fokusohet në një personazh që është transgjinor dhe ngacmohet në shkollë. Dëshmitari tha se provat vijnë nga jeta e Ye dhe nuk janë fiktive. Hetuesit kontrolluan gjithashtu shtëpinë e familjes së tij dhe gjetën vizatime të shkruara me dorë të skenave të të shtënave, si dhe regjistrat e bisedave në internet në të cilat ai kërcënon me dhunë masive.

Ye (i lindur femër, por tani përdor përemra mashkullorë) u shtrua në spital për një muaj në vitin 2022 për kërcënimin se do të qëllonte një shkollë. Ai duhej të lirohej në janar të 2023-ës, por përsëri u konsiderua një kërcënim për veten dhe të tjerët dhe u transferua në një institucion tjetër.

 

alex ge shba

Sondazh

Poll

MË SHUMË