Bota

Britania e Madhe dhe SHBA-ja shpallin sanksione ndaj Iranit

Shtabi i përgjithshëm i forcave të armatosura të Iranit dhe Marina e Gardës Revolucionare Islamike janë midis 13 emërimeve të reja nën regjimin e sanksioneve të Mbretërisë së Bashkuar.

18 Prill 2024, 16:30 Nga E. D
Britania e Madhe dhe SHBA-ja shpallin sanksione ndaj Iranit
foto ilustruese

IRAN- Mbretëria e Bashkuar dhe SHBA kanë sanksionuar firmat iraniane të përfshira në prodhimin e dronëve dhe raketave. Shtabi i përgjithshëm i forcave të armatosura të Iranit dhe Marina e Gardës Revolucionare Islamike janë midis 13 emërimeve të reja nën regjimin e sanksioneve të Mbretërisë së Bashkuar.

Gjithashtu u përfshinë disa organizata ushtarake iraniane, individë dhe entitete të lidhura me industrinë e dronëve dhe raketave balistike. SHBA tha se masat e saj synonin 16 individë dhe dy entitete që mundësonin prodhimin e UAV-ve të Iranit, duke përfshirë motorët që fuqizojnë dronët Shahed të Iranit.

Thesari amerikan tha se po caktonte pesë kompani që ofrojnë materiale përbërëse për prodhimin e çelikut për kompaninë iraniane Khuzestan Steel ose blerjen e produkteve të gatshme të çelikut të KSC.

Gjithashtu në shënjestër të SHBA-së ishin tre degë të prodhuesit iranian të automjeteve Bahman Group, për të cilin tha se kishte mbështetur materialisht Korpusin e Gardës Revolucionare Islamike të Iranit.

mb shba

Sondazh

Poll

MË SHUMË