Aktualitet

EMRI/ Lëvizte me kanabis dhe thikë me vete, arrestohet 46-vjeçari polak në Sarandë

Pas ndalimit të automjetit me të cilin ai lëvizte, atij iu gjetën me vete disa doza kanabisi dhe një armë e ftohtë, e tipit thikë.

15 Prill 2024, 11:23 Nga M.B
EMRI/ Lëvizte me kanabis dhe thikë me vete, arrestohet
Foto nga vendi i ngjarjes

SARANDA- Një 46-vjeçar polak i identifikuar si Arkadiusz Szarata është arrestuar në Sarandë. Pas ndalimit të automjetit me të cilin ai lëvizte, atij iu gjetën me vete disa doza kanabisi dhe një armë e ftohtë, e tipit thikë.

Policia njofton se gjatë kontrollit në banesën e tij, është gjetur dhe një sasi lënde e dyshuar narkotike cannabis. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

Njoftimi: 

Sarandë/Goditje të njëpasnjëshme në kuadër të megaoperacionit “Tempulli 2”, kundër veprimtarisë kriminale të shitjes në doza, të lëndëve narkotike. U kap në flagrancë, me doza cannabisi dhe një mjet prerës (thikë), në automjet, vihet në pranga 46-vjeçari (shtetas polak).

Sekuestrohen dozat e cannabisit dhe një tjetër sasi cannabisi që u gjet në banesën e këtij shtetasi, si dhe mjeti prerës (thikë). Si rezultat i kontrolleve në të gjithë territorin e qarkut dhe punës së inteligjencës policore, në kuadër të megaoperacionit “Tempulli 2”, shërbimet e Komisariatit të Policisë Sarandë kanë konstatuar dhe goditur një tjetër rast të veprimtarisë kriminale të shitjes në doza, të lëndëve narkotike, rast për të cilin u vu në pranga shtetasi polak A. S., 46 vjeç.

Në lagjen nr.2, shërbimet e Policisë kanë ndaluar automjetin me të cilin qarkullonte 46-vjeçari dhe gjatë kontrollit në automjet, kanë gjetur doza të lëndës së dyshuar narkotike cannabis sativa gati për shitje dhe një mjet prerës (thikë). Më pas, gjatë kontrollit në banesën e tij, është gjetur dhe një sasi lënde e dyshuar narkotike cannabis.

Lënda narkotike dhe mjeti prerës (thikë) u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

policia sarande

Sondazh

Poll

MË SHUMË