Bota

Sulmi iranian ndaj Izraelit/ Papa Françesku: T’i jepet fund dhunës në Lindjen e Mesme

Papa i kërkoi Iranit dhe Izraelit të dielën të shmangin hapat që mund të ushqejnë një spirale dhune që rrezikon ta zhysë Lindjen e Mesme më thellë në konflikt. 

14 Prill 2024, 14:43 Nga E. D
Sulmi iranian ndaj Izraelit/ Papa Françesku: T’i jepet fund
Papa Françesku

IZRAEL- Papa Françesku ka reaguar në lidhje me sulmin e mbrëmshëm të Iranit ndaj Izraelit. Papa i kërkoi Iranit dhe Izraelit të dielën të shmangin hapat që mund të ushqejnë një spirale dhune që rrezikon ta zhysë Lindjen e Mesme më thellë në konflikt. Duke folur me pelegrinët në Sheshin e Shën Pjetrit, Françesku tha se kishte ndjekur lajmet për sulmin me dron dhe raketë të Iranit ndaj Izraelit me një ndjenjë shqetësimi dhe dhimbjeje. 

“Unë bëj një thirrje të përzemërt për ndalimin e çdo veprimi që mund të nxisë një spirale dhune me rrezikun e tërheqjes së Lindjes së Mesme në një konflikt edhe më të madh. Askush nuk duhet të kërcënojë ekzistencën e të tjerëve. Të gjitha kombet duhet të qëndrojnë për paqen dhe të ndihmojnë izraelitët dhe palestinezët të jetojnë në dy shtete, krah për krah, të sigurt," tha Papa. 

Gjithashtu Papa bëri thirrje për një armëpushim në Gaza dhe negociata për të lejuar ofrimin e ndihmës humanitare për popullin e saj dhe për të ndihmuar lirimin e pengjeve izraelitë të kapur nga Hamasi në sulmin e tij të 7 tetorit ndaj Izraelit.

"Mjaft luftë, mjaft sulme, mjaft dhunë. Po dialogut, po paqes," tha ai.

papa françesku lufta në lindjen e mesme

Sondazh

Poll

MË SHUMË