Aktualitet

VIDEO/ Të dënuar për trafik droge dhe mashtrim, deportohen 3 shqiptarë nga Italia, Gjermania dhe Greqia

Po ashtu është deportuar një 43-vjeçar nga Gjermania për trafikim të lëndëve narkotike, ndërkohë që një 65-vjeçar është deportuar nga Greqia për veprën penale mashtrim.  

14 Prill 2024, 13:14 Nga I.A
VIDEO/ Të dënuar për trafik droge dhe mashtrim, deportohen 3
Shqiptari i arrestuar

TIRANË- Tre shqiptarë janë deportuar ditën e sotme në Shqipëri nga vendet fqinje. Mësohet se drejt vendit tonë janë deportuar një 42-vjeçar nga Italia për prodhim dhe shitje të lëndëve narkotike të kryer në grup kriminal. Po ashtu është deportuar një 43-vjeçar nga Gjermania për trafikim të lëndëve narkotike, ndërkohë që një 65-vjeçar është deportuar nga Greqia për veprën penale mashtrim.  

 

Njoftimi i Policisë:

Interpol Tirana Ekstradohen nga Italia, Gjermania dhe Greqia, 3 shtetas të akuzuar/dënuar për veprimtari kriminale në fushën e narkotikëve dhe për mashtrim. Në kuadër të bashkëpunimit të vazhdueshëm ndërmjet Interpol Tiranës dhe homologëve në Itali, Gjermani dhe Greqi, me objektiv lokalizimin, vënien në pranga dhe ekstradimin e shtetasve të shpallur në kërkim ndërkombëtar, u kryen ekstradimet:

-nga Italia në Shqipëri, i shtetasit S. P., 42 vjeç. Gjykata e Posaçme për Korrupsionin dhe Krimin e Organizuar i ka caktuar 42-vjeçarit, masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në kuadër të grupit të strukturuar kriminal. Ai akuzohet se në bashkëpunim me shtetasin Gj. L., gjatë periudhës 2017-2018, ka shitur rreth 67 kg lëndë narkotike cannabis sativa;

-nga Gjermania në Shqipëri, i shtetasit A. Gj., 43 vjeç, banues në Shkodër, pasi Gjykata e Shkallës se Parë e Juridiksionit të Pergjithshëm Shkodër i ka caktuar këtij shtetasi, masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim. Ai akuzohet se ka bashkëpunuar për prodhimin dhe shitjen e 20 kilogramëve lëndë narkotike cannabis sativa, që u sekuestrua nga Policia, në fshatin Grudë Fushë, në vitin 2021.

-nga Greqia në Shqipëri, i shtetasit B. K. alias Z. K., 65 vjeç, banues në Durrës, pasi Gjykata e Shkallës së Parë Durrës e ka dënuar me 3 vjet burgim, për veprën penale “Mashtrimi”. Shtetasit e ekstraduar i janë dorëzuar Drejtorisë së Përgjithshme të Burgjeve.

policia e shtetit

Sondazh

Poll

MË SHUMË