Sport

Kaos në Spanjë!... Kandidati i vetëm për presidencën e Federatës së Futbollit, është gjithashtu ndër ata që janë nën hetim

Fakti se është përgjigjur në mënyrë kaq evasive, është dëshmi se në këtë rast edhe ai mund të konsiderohet në mesin e të dyshuarve.

13 Prill 2024, 10:30 Nga DOSJA

Kaos në Spanjë!... Kandidati i vetëm për presidencën e

SPANJE - Nga dëshmitari tek i akuzuari. Pedro Rocha, kandidati i vetëm për presidencën e RFEF (Federatës Spanjole të Futbollit), u dëgjua të premten në gjykatë. Ai të gjithë përgjegjësinë për momentin e kaosit që po përjeton futbolli spanjol, e kaloi te Luis Rubiales, ish-presidenti federal, i cili ka qenë nën hetim prej disa kohësh, dhe mbi njeriun e tij të besuar, Tomas Gonzalez Cueto, këshilltar i jashtëm.

“Nuk e di, nuk jam i sigurt, kështu është jeta, pyesni Rubiales”,- janë disa nga fjalitë e shqiptuara nga Rocha në sallën e gjyqit. Fjalë që dyshuan gjyqtarin, i cili tashmë e konsideron atë në mesin e të dyshuarve.

‘Relevo’ raporton gjithçka, sipas të cilit fakti se është përgjigjur në mënyrë kaq evasive, është dëshmi se në këtë rast edhe ai mund të konsiderohet në mesin e të dyshuarve. Përballë qëndrimit të tij të injorancës së dukshme, prokurori kujtoi një shënim në zgjatjen e kontratës me Arabinë Saudite të 20 dhjetorit 2020.

Më parë, Rocha kishte mohuar se dokumenti ishte miratuar nga komisioni dhe se ai ishte në dijeni në atë moment të ekzistenca e një kontrate të tillë. Më pas, prokurori u ndal me pyetje dhe i kërkoi gjyqtarit të vazhdonte. Marrja në pyetje zgjati gjysmë ore. Luis Rubiales do të merret në pyetje më 29 prill për këtë çështje.

B.T (Dosja.al)

Sondazh

Poll

MË SHUMË