Politike

"Sa herë që flas unë, ti ke frikë", Komisioni për TIMS/ Salianji propozon: Të mblidhemi sërish të hënën

Kreu i këtij Komisioni, Ervin Salianji propozoi që të mblidheshin sërish të hënën, në orën 17:00.

12 Prill 2024, 19:02 Nga M.B
"Sa herë që flas unë, ti ke frikë", Komisioni
Komisioni

TIRANA- Ka vijuar mes debatesh mbledhja e Komisionit Hetimor për sistemin TIMS. Kreu i këtij Komisioni, Ervin Salianji propozoi që të mblidheshin sërish të hënën, në orën 17:00. Por mes palëve nuk është gjetur në dakordësi për orën pasi ai ka vijuar përplasjen me deputetin Toni Gogu i cili iu drejtua duke i thënë se Salianji kishte frikë sa herë që ai fliste.

Pjesë nga debati: 

Salianji: Meqë kemi disa propozime dhe nuk kemi dakordësi, ju doni të bllokoni komisionin. Mos ta bëjmë si gallatë. Duam dakordësi. Ju thoni eprorëve; që thamë një fjalë aty, ja çfarë bëmë. Ditën e hënë lëmë një mbledhje tjetër për shkak të ndërhyrjes në TIMS. E lëmë në ditën e hënë, në çfarëdolloj ore që të doni, po jua lë juve në dorë. Sot propozimet e ekspertëve janë këto që janë. Ditën e hënë i lëmë kohën ekspertëve që të vinë në atë orë që doni ju, që t’i lëmë kohë atyre që të marrim kohë.

Gogu: Unë e di që ti ke frikë sa herë që flas unë. Sa herë që flet ligji.

Salianji: O Lindita eja pak, të fshihem pas teje se kam frikë.

Gogu: Na jepni kohë që të njihemi me kërkesat për informacion. Nëse doni të hënën, ok, hajde e caktojmë.

tims

Sondazh

Poll