Bota

Dorëheqja e dytë brenda vitit, Ministrja e Shëndetësisë në Norvegji largohet nga detyra pas akuzave për plagjiaturë në tezën e masterit

Ingvild Kjerkol dha dorëheqjen një ditë pas një hetimi nga Universiteti Nord në Bodoe në Norvegjinë veriore ku thuhet se ajo ka dorëzuar tezën e saj të masterit në vitin 2021 me plgjiaturë.

12 Prill 2024, 12:50 Nga N.F
Dorëheqja e dytë brenda vitit, Ministrja e Shëndetësisë
Ingvild Kjerkol

NORVEGJI- Ministrja e Shëndetësisë në Norvegji ka dha dorëheqjen të premten duke u bërë anëtarja e dytë i qeverisë norvegjeze që jep dorëheqjen këtë vit mes akuzave se ata kishin plagjiaturë punime akademike. Ingvild Kjerkol dha dorëheqjen një ditë pas një hetimi nga Universiteti Nord në Bodoe në Norvegjinë veriore ku thuhet se ajo ka dorëzuar tezën e saj të masterit në vitin 2021 me plgjiaturë.

“Ne kemi arritur në përfundimin se Ingvild duhet të japë dorëheqjen si ministër”, tha kryeministri Jonas Gahr Store në një konferencë për shtyp. Ai tha se hetimi kishte arritur në përfundimin se plagjiatura ishte e qëllimshme.

Kjerkoll tha se ajo dhe një bashkëautor nuk kishin ndërmend të bënin plagjiaturën duke i marrë nga detyrat e njerëzve të tjerë".

“Megjithëse dhemb të mos besohet, ne duhet të merremi me faktin se (universiteti) ka një mendim tjetër,” tha ajo në një konferencë të përbashkët shtypi me Gahr Støre.

48-vjeçarja Kjerkol ka qenë në detyrë që nga tetori 2021 kur Gahr Store prezantoi një qeveri koalicioni të partisë së tij Laburiste dhe Partisë së vogël të Qendrës. Kjerkol është anëtari i dytë i qeverisë që përfshihet në akuza për plagjiaturë akademike këtë vit. Në janar, Sandra Borch dha dorëheqjen si ministre për kërkimin dhe arsimin e lartë pasi një student zbuloi se pjesë të tezës së masterit të Borch, duke përfshirë gabimet drejtshkrimore, ishin kopjuar pa atribut nga një autor tjetër.

 

master plagjiature ministrja e shendetesise doreheqje

Sondazh

Poll

MË SHUMË