Aktualitet

Theu masën "arrestit shtëpie", arrestohet 31-vjeçari në Dibër

Mësohet se pas hekurave përfundoi 31-vjeçari me inicialet G.L., i cili ishte në arrest shtëpiak për shitje droge.

6 Prill 2024, 11:06 Nga M.B
Theu masën "arrestit shtëpie", arrestohet 31-vjeçari
Foto ilustruese

DIBRA- Një 31-vjeçar ka rënë në prangat e policisë në Dibër, pasi akuzohet për thyerje të masës "arrest shtëpie". Mësohet se pas hekurave përfundoi 31-vjeçari me inicialet G.L., i cili ishte në arrest shtëpiak për shitje droge. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Njoftimi:

Si rezultat i kontrolleve të kryera 24/7, në bazë të informacioneve të siguruara nga inteligjenca policore, me qëllim garantimin e sundimit të ligjit në territor, specialistët për Hetimin e Krimeve të Komisariatit të Policisë Bulqizë, kapën dhe arrestuan në flagrancë shtetasin G.L., 31 vjeç, banues në Bulqizë, pasi u kap jashtë banesës, në kundërshtim me vendimin e Gjykatës, e cila i kishte caktuar masën e sigurisë “Arrest në shtëpi”, për veprën penale “Prodhimi dhe shitja e lëndëve narkotike”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

policia diber

Sondazh

Poll

MË SHUMË