Politike

Berisha: Veliaj vendosi skemën e vjedhjes 100 përqind të prokurimeve publike! Erion, nuk ke ku futesh, nuk ke ku shkon!

Gjithashtu Berisha i bëri thirrje Erion Veliajt të japë dorëheqje një minutë e më para sepse nuk ka ku të futet, ku të shkojë

5 Prill 2024, 20:52 Nga E. D
Berisha: Veliaj vendosi skemën e vjedhjes 100 përqind të
Sali Berisha

TIRANË- Kreu i Partisë Demokratike Sali Berisha ka mbajtur fjalimin e zakonshëm edhe mbrëmjen e sotme para mbështetësve të mbledhur poshtë banesës së tij. Berisha tha se Kryetari i Bashkisë Erion Veliaj vendosi skemën e vjedhjes 100 përqind të prokurimeve publike. Gjithashtu Berisha i bëri thirrje Veliajt të japë dorëheqje dhe shtoi se Rama do të ketë fatin e tij.

 PJESË NGA FJALA E BERISHËS:

Erion, ti meriton çdo epitet, çdo cilësor, por unë po e ruaj gojën time. Po çfarë mund t’u thuash ti qytetarëve që vendose skemën e vjedhjes 100 përqind të prokurimeve publike o faqezi? Shqiptarët kishin dëgjuar Edi Ramën kryetar bashkie, mister 20 përqindëshi. Shqiptarët kanë dëgjuar të tjerë, sot Edi Rama merr 30 përqindëshin, por nuk kishin dëgjuar kurrë që prokurimet t’i vjedhësh ti me bandën e kolegëve tu. I quan edhe kolegë, po ç’kolegë jeni ju mo, ju jeni hajna të pështirosur, turpi i njerëzimit.

Po ke fytyrë ti mo të dalësh nga shtëpia jote, kur vodhe paratë me Mollën, me Tivarin, me djallin dhe të birin dhe i shndërrove në hotele me 5 yje? I shndërrove në pallate me qindra e qindra apartamente për t’u bërë milioner dhe miliarder me bandën tënde. Dhe kërkon që të mos ngutemi se nuk kanë dalë në gjykatë. O faqezi, gjykatës për ty është populli i Tiranës. Sa do të vjedhësh ti prapë, folu pak qytetarëve. Pallatet me qindra apartamente në Kinostudio, sa i shitët? Pallatet në Tiranë në katër anët, sa i shitët, sa fituat? Po thuaju pak edhe tjetrën, sa shpenzuat për ndërtimin e tyre?

Apo ua ndërtuan pallatet si pallatin e Linda Ramës pa asnjë faturë doganore, tatimore, ndërtimore, bankare, etj.
Erion, nuk ke ku futesh, nuk ke ku shkon! Jep dorëheqjen një minutë e më parë, o turpi i Tiranës, o turp i Shqipërisë. Të mbron sot Edi Rama, se mbron krimet e tij, mbron vëllain e tij, mbron vjedhjet e tij. Por është fjala e nderit se në këtë betejë të ndalur nuk ka. Se Edi Rama do ketë fatin tënd. Dhe se të dy do merrni atë që meritoni.

sali berisha

Sondazh

Poll

MË SHUMË