Politike

Ola Xama: Drejtorët e Veliajt bënë tender edhe për të rregulluar kanalizimet te Kodra e Diellit ku banojnë bashkë me Veliajn

Xama tha këta drejtorë i kanë dhënë tenderin pronarit të zonës rezidenciale, pra duke rregulluar shtëpinë me paratë e shtetit.

4 Prill 2024, 22:12 Nga I.A
Ola Xama: Drejtorët e Veliajt bënë tender edhe për të
Ola Xama

Gazetarja Ola Xama, tha se drejtorët e arrestuar të bashkisë së Tiranës, si Redi Molla dhe Mariglen Qato, i kanë banesat e tyre, në një qendër rezidenciale te Kodra e Diellit, afër banesës së kreut të bashkisë, Erion Veliaj. E ftuar në emisionin “Të Paekspozuarit” në MCN TV, Xama tha këta drejtorë i kanë dhënë tenderin pronarit të zonës rezidenciale, pra duke rregulluar shtëpinë me paratë e shtetit.

“Kur po shikoja të dhënat e Ujësjellës-Kanalizimeve Tiranë, këta e dinë të gjithë se i kanë shtëpitë te Kodra e Diellit, i kanë dhënë atij që ka Kodrën e Diellit, edhe tenderin që të bëjë sistemimet dhe kanalizimet e ujësjellësit, gjithë ato mijëra euro tenderi, te shtëpia e tyre. Pra edhe për të rregulluar shtëpinë e tyre kanë bërë tender.

Po të shohësh edhe te kompania e hotelit në Durrës, kanë aksione 4 kompani. Njërës ia kanë vënë emrin “Res Tour”, tjetri “Eti Tour”, i Elvi Tivarit, drejtor i shitjeve në ujësjellës, Dritan Kadiu ia ka vënë “Daku Tour”. Pra edhe me emrat kanë përdorur tallje, duke vënë inicialet e tyre” tha Xama.

ola xama erion veliaj redi molla mariglen qato

Sondazh

Poll

MË SHUMË