Bota

Mbeti e plagosur pas sulmit me armë në shkollën në Finlandë, 12-vjeçarja nga Kosova në gjendje të rënduar shëndetësore

Ai theksoi se për ta bërë publike këtë deklaratë është konsultuar me babain e vajzës shqiptare nga Kosova. 

3 Prill 2024, 16:35 Nga r.ll
Mbeti e plagosur pas sulmit me armë në shkollën në
pamje nga shkolla

FINLANDË- Një nxënës në shkollën "Viertola" në Finlandë, pas një sulmi me armë zjarri la të vdekur një 12-vjeçar dhe plagosi rëndë dy të tjerë. Mes të plagosurve, ministria e Jashtme e Kosovës, konfirmoi se ishte një 12-vjeçare shqiptare.  Sipas një njoftimi nga një shqiptar që jeton atje, e që ka komunikuar me babain e vajzës, gjendja e saj shëndetësore është e rëndë. 

“Sot në mëngjes u takova me prindin e vajzës e cila u plagos nga i riu 12-vjeçar në shkollën “Viertolan”. Gjendja e vajzës është nën kujdesin e mjekëve dhe po bëhet gjithçka që ajo të mbijetojë, por gjendja nuk është e mirë”, shkroi Mentor Dreshaj, anëtar i grupit “Shqiptarët në Finlandë”. Ai theksoi se për ta bërë publike këtë deklaratë është konsultuar me babain e vajzës shqiptare nga Kosova. 

Ndërkohë lidhur me ngjarjen policia në Finlandë tha sot se motivi i sulmit të djeshëm ishte bullizmi.

“I dyshuari gjatë marrjes në pyetje ka deklaruar se ka qenë objektiv i bullizmit dhe ky informacion është konfirmuar edhe në hetimin paraprak policor”, thuhet në njoftimin e policisë.

Sipas rrjetit televiziv finlandez MTV uutiset, 12-vjeçari kishte veshur një maskë dhe kufje anuluese të zhurmës kur filloi të qëllonte. I mituri nuk do të burgoset sepse është nën 15 vjeç dhe për rrjedhojë nuk mund të mbajë përgjegjësi penale, sqaroi kreu i hetimit për çështjen Markos Sarkas.

sulm ne shkolle ne finlande kosove

Sondazh

Poll

MË SHUMË