Sport

Njihuni me shumat marramendëse të pagave në Premier League…

Listat e pagave për klubet e sezonit të kaluar në Premier League janë zbuluar dhe ka disa surpriza të mëdha në renditje.

3 Prill 2024, 12:00 Nga DOSJA

Njihuni me shumat marramendëse të pagave në Premier

ANGLI - Kampionati anglez është padyshim më i pasuri në planet, me shuma thjesht marramendëse për të drejtat televizive në veçanti.

Premier League sapo ka zbuluar listat e pagave të njëzet klubeve që ishin prezente në elitën e futbollit anglez sezonin e kaluar, ku ka shumë surpriza duke pasur parasysh shifrat.

Në total, lista e pagave e njëzet klubeve të Premier League vitin e kaluar shkonte në një shifër prej 3.8 miliardë eurosh, me Manchester City në krye me 423 milionë euro në listën e pagave.

Disa surpriza në renditje…

Në të vërtetë, renditja përfundimtare nuk përkon fare me renditjen e listëpagesave dhe ka surpriza, duke filluar nga Chelsea. ‘Blutë’ përfaqësonin shumën e tretë më të madhe (340 milionë), por përfunduan në një vend të dymbëdhjetë në renditje, në fund të një sezoni të vështirë.

Leicester përfundoi në vendin e tetëmbëdhjetë dhe u rrëzua, për herë të parë që nga rikthimi i klubit në 2014/2015, kur ‘Dhelprat’ përfaqësonin në listë vendin e nëntë më të lartë të pagave në Premier League (182 milionë).

Së fundi, Fulham përfundoi në vendin e dhjetë, pavarësisht se klubi ka listën më të ulët të pagave në kampionat (90 milionë). Prandaj, jo gjithmonë paratë japin rezultate.

B.T (Dosja.al)

Sondazh

Poll

MË SHUMË