Sport

Arteta pas barazimit me City-n: “Ishim vërtetë mirë, ata janë skuadra më e fortë në botë!”

Pas barazimit pa gola ndaj Manchester City-t në “Etihad Stadium”, trajneri i Arsenal, Mikel Arteta u shpreh i kënaqur që ia dolën ta ndalonin këtë skuadër në shtëpinë e vetë, gjë që nuk ka ndodhur për rreth tre vite.

1 Prill 2024, 17:45 Nga DOSJA

Arteta pas barazimit me City-n: “Ishim vërtetë mirë, ata

ANGLI - “Ndeshje shumë e vështirë kundër një kundërshtari shumë kërkues. Ne u mbrojtëm shumë mirë. Ne ishim vërtet të mirë… Hera e parë që ata nuk shënojnë në shtëpinë e tyre në tre vjet. E keqja është se ne kishim disa raste të mira për të shënuar dhe nuk i shfrytëzuam ato,”- tha fillimisht ai.

Më tej, duke folur për mediat, trajneri spanjol i “Topçinjve” shtoi se nëse nuk fiton dot, të paktën të mbash barazimin, ndërsa theksoi se City është skuadra më e mirë në botë, ndaj Arsenal duhet të përpiqet që t’ia kalojë.

“Gjithmonë dëshirojmë që t’i fitojmë ndeshjet dhe përgatitemi për to. Megjithatë nëse nuk i fitojmë dot, sigurohemi për barazimin. Ata janë skuadra më e mirë në botë për mendimin tim deri tani… dhe ne duhet të arrijmë dhe të përpiqemi të jemi më të mirë se ata,”- tha ndër të tjera Arteta.

B.T (Dosja.al)

Sondazh

Poll

MË SHUMË