Sport

VIDEO/ Një incident i ri i një lojtari të Barçës, me një 'tiktoker'…

Në këtë rast, ishte Iñigo Martínez ai që doli edhe nga makina për të qortuar një djalë që e kishte fyer.

1 Prill 2024, 17:00 Nga DOSJA

VIDEO/ Një incident i ri i një lojtari të Barçës, me

SPANJE - Prania e bollshme e të rinjve të quajtur 'tiktokers' rreth ‘Ciutat Esportiva Joan Gamper’ në kërkim të autografeve dhe fotove me yjet e FC Barcelona ka shkaktuar incidente të herëpashershme me futbollistët e Barçës.

Djemtë shpesh pushtojnë rrugën dhe pengojnë qarkullimin në kërkim të fotove dhe kjo rrethanë ka bërë që të rritet prania e policisë dhe madje edhe Barça të mos shpallë oraret e stërvitjeve për të trembur të rinjtë. 

Iñigo Martínez ishte protagonist i një incidenti që pushtoi rrjetet sociale këtë të hënë. Është një video në të cilën shihet qendërmbrojtësi i Barçës teksa ndalon makinën e tij në mes të rrugës dhe largohet për të qortuar një të ri që e kishte fyer.

"Është hera e fundit që më quan budalla, e fundit. Hera e fundit që më ofendon. Dhe shokun tënd po njësoj. E ke dëgjuar apo jo? E fundit. Dhe mos ji kryelartë", i tha mbrojtësi culé të riut. 

Në të kaluarën lojtarë të tjerë si Robert Lewandwski, apo Samuel Umtiti, kanë pësuar incidente jashtë ambienteve të Barçës.

Sulmuesit polak i vodhën një orë me vlerë teksa po jepte autografe, ndërsa mbrojtësit francez në vitin 2021 iu ngjitën disa tifozë në kapuçin e automjetit të tij, ku ai doli për të qortuar qëndrimin e tyre: "A e dini çfarë është respekti?" Umtiti u tha njerëzve që kishin hipur në makinën e tij. 

B.T (Dosja.al)

Sondazh

Poll

MË SHUMË