Bota

Kërcënimet e Vuçiç për largimin nga KiE, Kupchan: Është problem i Serbisë! Një lëvizje e rëndësishme për Kurtin

Ai më tej në fjalën e tij u shpreh se e sheh të nevojshme tashmë edhe normalizimin midis Kosovës dhe Serbisë. Sipas tij, Kosova pati përkrahje të madhe për tu bërë pjesë në KiE.

30 Mars 2024, 07:55 Nga N.F
Kërcënimet e Vuçiç për largimin nga KiE, Kupchan:
Charles Kupchan

KOSOVË- Profesori i marrëdhënieve ndërkombëtare në Georgtown University të Uashingtonit, Charles Kupchan ka reaguar në lidhje me hapin e parë dhe të rëndësishëm të Kosovës për anetarësimin në KiE. Kupchan në reagimin e tij shprehet  se veprimet e Serbisë për tu larguar nga kjo organizatë, janë në të mirën e kryeministrit Albin Kurti.

“Mendoj që do të jetë një hap para dhe që do të ndihmojë Kosovën të adresojë çështjet e të drejtave njerëzore dhe të ngrit pozitën e saj brenda BE-së dhe komunitetit dhe familjes së demokracisë evropiane. Nuk e dimë saktë se si do të reagojë Serbia. Presidenti Vuçiç e përmendi që ai mund  ta largojë Serbinë nga Këshilli i Evropës dhe ky është problemi i Serbisë. Por, unë mendoj që ky është një zhvillim pozitiv dhe besoj që ishte një lëvizje e rëndësishme për zotin Kurti”, tha Kupchan.

Ai më tej në fjalën e tij u shpreh se e sheh të nevojshme tashmë edhe normalizimin midis Kosovës dhe Serbisë. Sipas tij, Kosova pati përkrahje të madhe për tu bërë pjesë në KiE.

“Ky lloj hapi para është saktësisht iniciativa që Kosova duhet të merr, jo vetëm që të pranohet në Këshillin e Evropës, por përfundimisht të normalizojë marrëdhëniet me Serbinë dhe t’i bashkohet Bashkimit Evropian. E dini që ka vota në Këshillin e Evropës që shkuan kundër Kosovës. Kishte shumicë të fuqishme për Kosovën. Ka ende anëtare të BE-së që nuk e kanë njohur Kosovën”, tha ai.

Profesori amerikan konsideron se situata e sigurisë në katër komunat veriore, ka mundësi përshkallëzimi të situatës dhe se  Serbia po dëshiron të pengojë normalizimin e marrëdhënieve.

“Kemi kaluar disa momente të rrezikshme jo shumë kohë më parë, në Banjskë. E dimë që ka potencial për shpërthim të dhunës. Këto lloj të raportimeve janë shumë shqetësuese. Nuk besoj që jemi duke shikuar në një situatë lufte ndërmjet Kosovës e Serbisë. Padyshim që ka akterë që mund të zgjedhin dhunën, ose të shohin dhunën si një mënyrë për të ndërprerë normalizimin duke ndikuar në mos lëvizjen para të dialogut mes Prishtinës e Beogradit,” shtoi ai.

charles kupchan kosova serbia kie

Sondazh

Poll

Bota 29 Mars 2024, 22:43 h.k

Pse Evropa po lëviz djathtas?

Foto ilustruese ITALI-Modeli i Melonit ka filluar të duket si një shembull që duhet të ndiqet nga e djathta nacionaliste për t&eu...

MË SHUMË