Bota

Prezantuesi i televizionit ndërkombëtar të Iranit sulmohet jashtë shtëpisë së tij në Londër, plagoset disa herë me thikë

30 Mars 2024, 07:46 Nga N.F
Prezantuesi i televizionit ndërkombëtar të Iranit sulmohet
Pouria Zeraati

ANGLI- Një prezantues i një kanali lajmesh televiziv iranian me bazë në Londër është goditur me thikë jashtë shtëpisë së tij në qytet. Lajmin për plagosjen e tij e ka konfirmuar kanali ku punon i plagosuri. Iran International, i cili raportoi gjerësisht në vitin 2022 për protestat antiqeveritare në Iran, tha se Pouria Zeraati u sulmua nga një grup. Policia Metropolitane tha se oficerët e specializuar kundër terrorizmit po drejtonin një hetim për therjen me thikë.


36-vjeçari ështe në gjendje të qëndrueshme në spital ndërsa Komandanti Dominic Murphy, kreu i njësisë së komandës kundër terrorizmit të Met, tha se oficerët po kryenin hetimet për çdo motiv që qëndron pas sulmit.  Murphy tha se patrulla shtesë po dërgoheshin në zonën e sulmit në jug të Londrës dhe në vendet e tjera përreth Londrës si një masë paraprake. Deri më tani nuk është raportuar asnjë arrestim.

Në nëntor 2022, dy gazetarë britaniko-iranianë të kanalit u paralajmëruan nga policia për një rrezik të mundshëm për jetën e tyre. Forca policie, të armatosura u vendosën pranë studiove të kanalit dhe barriera betoni u vendosën jashtë ndërtesës. Në të njëjtën kohë në Teheran, ministri i inteligjencës iraniane Ismail Khatib njoftoi se Iran International ishte shpallur organizatë terroriste nga regjimi i tij.

pouria zeraati sulm plagosje iran londer

Sondazh

Poll

Bota 29 Mars 2024, 22:43 h.k

Pse Evropa po lëviz djathtas?

Foto ilustruese ITALI-Modeli i Melonit ka filluar të duket si një shembull që duhet të ndiqet nga e djathta nacionaliste për t&eu...

MË SHUMË