Sport

Interi e ka vendosur: Rinovimi i Inzaghit deri në vitin 2027, firmoset në fund të sezonit!...

Kontrata aktuale skadon në vitin 2025 dhe drejtuesit e ‘Nerazzurrëve’ duan ta zgjasin atë edhe për dy vjet të tjera…

28 Mars 2024, 19:26 Nga DOSJA
Interi e ka vendosur: Rinovimi i Inzaghit deri në vitin 2027, firmoset

ITALI - Simone Inzaghi po shkon drejt rinovimit të tretë të përvojës së tij trevjeçare te Interi. Kjo është më e rëndësishmja, sepse vjen në sezonin që të çon në kampionatin e yllit të dytë dhe sepse klubi në vitin e fundit, e ka kuptuar vërtetë rëndësinë e trajnerit të tij.

Ndërsa vetëm një vit më parë përmendeshin emrat e zëvendësuesve të mundshëm. Arritja në  finalen e Champions League do të ndalonte çdo spekulim për një trajner të ri për ‘Nerazzurrët’. 

Sipas ‘Gazzetta dello Sport’, menaxhmenti do të thërrasë Inzaghin për të nënshkruar  vazhdimin e kontratës para përfundimit të sezonit. Me pak fjalë, ekziston një dëshirë për ta siguruar atë përpara se ndonjë sirenë evropiane ta tundojë atë (dhe ka mjaft klube të nivelit të lartë në futbollin kontinental që do të mbështeteshin me dëshirë tek ai).

Kontrata aktuale skadon në vitin 2025 dhe arsyeja tjetër që e shtyn klubin drejt rinovimit është fakti se është e ndërlikuar të mendosh për një trajner të, që e nis sezonin kur skadon kontrata.

Kësaj radhe synohet të zgjatet edhe për dy vite, pra deri në vitin 2027. Tre sezone të tjera të plota, me pak fjalë, të cilat tregojnë se sa besim ka klubi ‘Nerazzurrë’ tek trajneri i tij. Flitet edhe për  rregullim ekonomik me shifrën aktuale, 5.5 në vit, e rritur me rreth një million të tjera. 

B.T (Dosja.al)

Sondazh

Poll

MË SHUMË