Bota

Mercenarët rus të Wagner po vrasin civilët në Mali

Mali së bashku me fqinjët e tij Burkina Faso dhe Niger, ka luftuar për më shumë se një dekadë me një kryengritje të luftuar nga grupet xhihadiste, duke përfshirë disa aleatë me al-Kaedën dhe grupin Shteti Islamik.

28 Mars 2024, 16:13 Nga E. D
Mercenarët rus të Wagner po vrasin civilët në Mali
fotot ilustruese

MALI- Grupi mercenar rus i njohur si Wagner po ndihmon forcat qeveritare në Malin qendror dhe verior të kryejnë bastisje dhe sulme me dronë që kanë vrarë shumë civilë, duke përfshirë shumë fëmijë, raportuan grupet e të drejtave të njeriut. Mali së bashku me fqinjët e tij Burkina Faso dhe Niger, ka luftuar për më shumë se një dekadë me një kryengritje të luftuar nga grupet xhihadiste, duke përfshirë disa aleatë me al-Kaedën dhe grupin Shteti Islamik.

Pas grushteve të shtetit në të tre vendet në vitet e fundit, juntat qeverisëse kanë dëbuar forcat franceze dhe në vend të kësaj iu janë drejtuar njësive mercenare ruse. Dhuna është përshkallëzuar në Mali që kur mercenarët rusë mbërritën atje pas një grushti shteti në vitin 2021.

“Qeveria ushtarake kalimtare e Malit, e mbështetur nga Rusia, jo vetëm që po kryen abuzime të tmerrshme, por po punon për të eliminuar shqyrtimin e situatës së saj të të drejtave të njeriut,” Ilaria Allegrozzi nga Human Rights Watch.

Në një shembull të një bastisjeje të kryer nga forcat qeveritare të mbështetura nga Rusia në janar, Human Rights Watch tha se ushtria hyri në një fshat pranë një baze ushtarake në Malin qendror dhe arrestoi 25 persona, duke përfshirë katër fëmijë. Trupat e tyre u gjetën më vonë atë ditë me sy të lidhur dhe me plagë plumbash në kokë. 

Amnesty International tha në një raport të veçantë në fillim të kësaj jave se dy sulme me dronë në veri të Malit vranë të paktën 13 civilë, duke përfshirë shtatë fëmijë të moshës 2 deri në 17 vjeç. 

Ndryshe, juntat qeverisëse në atë rajon kanë njoftuar për një forcë të përbashkët sigurie për të luftuar dhunën ekstreme në Sahel. Kjo pason me mbështetjen e tyre te Rusia, ndërsa largohen nga vendet e tjera rajonale dhe perëndimore. Megjithëse ushtritë kanë premtuar t’i japin fund kryengritjeve në ato territore, me sa duket dhuna atje vetëm po përkeqësohet.

wagner ilaria allegrozzi

Sondazh

Poll

MË SHUMË