Bota

"E enjtja e Madhe", Papa Françesku 'lë pas' problemet me shëndetin, vijon ritualet e javës së Pashkës

Françesku, i cili kohët e fundit shkurtoi angazhimet e tij të të folurit na publik për shkak të lodhjes nga ftohja dhe gripi, lexoi një predikim të gjatë të enjtes së shenjtë "Mesha e Krishmës" në Bazilikën e Shën Pjetrit.

28 Mars 2024, 14:41 Nga M.B
"E enjtja e Madhe", Papa Françesku 'lë pas'
Papa Françesku

VATIKAN- Papa Françesku dukej mirë teksa filloi katër ditët intensive të ngjarjeve të javës së Pashkës. Ai rinovoi zotimin e tij të shugurimit në ditën kur Kisha Katolike Romake shënon themelimin e priftërisë nga Jezusi një natë përpara kryqëzimi. Françesku, i cili kohët e fundit shkurtoi angazhimet e tij të të folurit na publik për shkak të lodhjes nga ftohja dhe gripi, lexoi një predikim të gjatë të enjtes së shenjtë "Mesha e Krishmës" në Bazilikën e Shën Pjetrit.

Françesku u bëri thirrje priftërinjve që të jenë të dhembshur, të pranojnë kur "janë larguar nga rruga e shenjtërisë" dhe të shmangin dyfytyrësinë, pandershmërinë dhe hipokrizinë. E enjtja e Madhe përkujton ditën e Darkës së Fundit të Jezusit me apostujt e tij një natë para se të vdiste. Të enjten pasdite Françesku duhet të kryesojë një ritual tradicional të larjes së këmbëve në seksionin e grave të një burgu të Romës. Françesku është Papa i parë që mbajti ceremoninë e larjes së këmbëve jashtë kishave, zakonisht në burgje, shtëpi për të moshuarit ose bujtina, duke vazhduar një praktikë që ai filloi kur ishte kryepeshkop i Buenos Aires. Ai është gjithashtu Papa i parë që përfshin gra dhe jo të krishterë në shërbim. Ceremonia i bën jehonë gjesit të përulësisë së Jezuit ndaj apostujve të tij natën para se të vdiste.

Të Premten e Mirë, ditën kur të krishterët përkujtojnë kryqëzimin e Jezusit, Françesku do të kryesojë një shërbim "Pasioni i Zotit" në Bazilikën e Shën Pjetrit dhe më pas do të marrë pjesë në një procesion tradicional mbrëmjeje Via Crucis (Rruga e Kryqit) në Koloseun e Romës. Ai do të kryesojë në shërbimin e Vigjiljes së Pashkëve të shtunën dhe më pas të dielën do të lexojë mesazhin dhe bekimin e tij "Urbi et Orbi" (për qytetin dhe botën) dhe bekimin nga ballkoni qendror i Shën Pjetrit për dhjetëra mijëra njerëz më poshtë.

papa françesku

Sondazh

Poll

MË SHUMË