Aktualitet

Arrestohet një person dhe procedohen penalisht tre të tjerë në Dibër për vepra të ndryshme penale

Një 34-vjeçar me inicialet E.Ç është arrestuar pasi u kap duke drejtuar mjetin në gjendje të dehur.

28 Mars 2024, 11:02 Nga S.B
Arrestohet një person dhe procedohen penalisht tre të tjerë
foto ilustruese

DIBËR- Arrestohet një person dhe procedohen në gjendje të lirë tre të tjerë në Dibër për vepra të ndryshme penale. Një 34-vjeçar me inicialet E.Ç është arrestuar pasi u kap duke drejtuar mjetin në gjendje të dehur.

Tre persona janë proceduar në gjendje të lirë për vepra penale si drejtimi i mjetit pa patentë, ndërtimi pa leje si dhe ofendimi ndaj një personi për motive pronësie. Me rastet e mësipërme për detaje të mëtejshme do të merret Prokuroria e Dibrës.

Njoftimi i Policisë:

Dibër/Vihet në pranga 1 shtetas dhe procedohen penalisht 3 të tjerë për vepra të ndryshme penale.

Specialistët e sektorit të Policisë Rrugore, arrestuan në flagrancë shtetasin E.Ç., 34 vjeç, banues në Bulqizë, pasi është konstuatuar, duke drejtuar automjetin e tij në gjendje të dehur.

Po nga këto shërbime, u referuan materialet në Prokurori ku nisi procedimi penal në gjendje të lirë për shtetasin V.K., 18 vjeç, banues në Dibër, pasi u konstatua duke drejtuar një automjet, pa u pajisur me leje drejtimi.

Specialistët për Hetimin e Krimeve të Komisariatit të Policisë Dibër, referuan materialet në Prokurori ku nisi procedimi penal për shtetasin M.M., banues në Dibër, pasi u konstatua duke kryer punime për ndërtimin e një objekti, pa u pajisur me lejen e organeve përkatëse.

Specialistët për Hetimin e Krimeve të Komisariatit të Policisë Mat, referuan materialet në Prokurori ku nisi procedimi penal për shtetasin O.O., 63 vjeç, banues në Klos, pasi për motive pronësie ka ofenduar një 41-vjeçare.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

diber vepra penale

Sondazh

Poll

MË SHUMË