Bota

Ndërron jetë në moshën 82-vjeçare, ish-senatori amerikan Joe Lieberman, mbështetës i Kosovës

Ai ishte një mbështetës i fortë i pushtimit të SHBA-së në Irak në 2003, gjë që çoi në një konflikt të zgjatur, të cilin shumë nga kolegët e tij demokratë e kundërshtuan.

28 Mars 2024, 08:30 Nga r.ll

Ndërron jetë në moshën 82-vjeçare, ish-senatori

SHBA- Joe Lieberman, i pari kandidat hebre për nënpresident i një partie të madhe, ka ndërruar jetë në moshën 82-vjeçare, sipas një deklarate nga familja e tij. Ish-senatori amerikan ndërroi jetë të mërkurën për shkak të komplikacioneve shëndetësore.

Lieberman është i njohur për deklarën e tij se "Shtetet e Bashkuara të Amerikës dhe Ushtria Çlirimtare e Kosovës qëndrojnë për të njëjtat vlera dhe parime njerëzore... Të luftosh për UÇK-në është të luftosh për të drejtat e njeriut dhe vlerat amerikane.”

Evolucioni politik i Lieberman u përshpejtua pas sulmeve të 11 shtatorit 2001, instinktet e tij agresore në politikën e jashtme e vendosën atë gjithnjë e më shumë në kundërshtim me partinë e tij. Ai ishte një mbështetës i fortë i pushtimit të SHBA-së në Irak në 2003, gjë që çoi në një konflikt të zgjatur, të cilin shumë nga kolegët e tij demokratë e kundërshtuan.

Ai ngriti fushatën e tij për nominimin presidencial demokrat në vitin 2004, por gara dështoi, duke rritur më tej distancën e tij nga votuesit bazë të partisë pasi ai refuzoi të kritikonte luftën në Irak. Ky pozicion bëri që ai të humbiste zgjedhjet paraprake demokrate për vendin e tij në vitin 2006. Por ai gjithsesi kandidoi si i pavarur dhe fitoi zgjedhjet, duke u rikthyer në Senat.

Në vitin 2008, Lieberman i zemëroi demokratët edhe më shumë duke u paraqitur në Konventën Kombëtare Republikane në mbështetje të mikut të tij, Senatorit nga Arizona, John McCain, kandidati republikan për president të atij viti. Shumë demokratë e perceptuan një akt tradhtie kur ai kritikoi Senatorin Barack Obama, kandidatin demokrat, si një i ri i talentuar dhe elokuent, por paralajmëroi se ai ishte shumë i papërvojë për të qenë president.

joe lieberman shba

Sondazh

Poll

MË SHUMË