Bota

Borell: Lejimi i aksesit të ndihmave humanitare në Gaza, detyrë ligjore e Izraelit

Duke cituar Programin Botëror të Ushqimit, Borrell shkroi në një postim X se ushqim i mjaftueshëm për njerëzit e uritur në Gaza është i grumbulluar dhe në pritje për të hyrë përmes rrugëve tokësore.

27 Mars 2024, 20:00 Nga S.N
Borell: Lejimi i aksesit të ndihmave humanitare në Gaza, detyrë
Josep Borrell

BRUKSEL- Shefi i politikës së jashtme të Bashkimit Evropian, Josep Borrell, thotë se lejimi i aksesit "urgjent dhe i sigurt" i ndihmave humanitare në Gaza është detyrë ligjore e Izraelit.

Duke cituar Programin Botëror të Ushqimit, Borrell shkroi në një postim X se ushqim i mjaftueshëm për njerëzit e uritur në Gaza është i grumbulluar dhe në pritje për të hyrë përmes rrugëve tokësore.

“Sipas shefes për programin botëror të ushqimit në OKB McCain, ushqim i mjaftueshëm për njerëzit e uritur në Gaza është i grumbulluar dhe në pritje për të hyrë përmes rrugëve tokësore. Ndihmat nga ajri ndihmojnë, por nuk mund të zëvendësojnë qindra kamionë. EUCO & UNSC kërkuan rritje të aksesit urgjent dhe të sigurt humanitar. Lejimi i tyre është një detyrë ligjore,” tha Borrell.

Ndërsa OKB ka paralajmëruar për një zi buke në Gaza teksa kriza ushqimore po rritet në nivele të larta. Mbrojtja Civile e Gazës tha më herët sot se gjithsej 18 palestinezë në Gaza janë vrarë në incidente që lidhen me ndihmat ajrore.

Ministria e Shëndetësisë së Gazës tha sot se numri i të vdekurve që prej fillimit të luftës në 7 tetor është 32, 490. Disa vende po ngrene akuza për akte gjenocidi ndaj Izraelit në Gaza.

jospe borrell

Sondazh

Poll

MË SHUMË