Aktualitet

Vrau në 2016 klientin që ofendoi kamarierët në lokalin e tij, arrestohet 39-vjeçari në Durrës, ishte dënuar me 10 vjet burg (EMRI)

Gëzim Kajno akuzohet për vrasjen e një klienti në lokalin e tij pasi i  ofendoi  kamarierët.

27 Mars 2024, 10:34 Nga r.ll
Vrau në 2016 klientin që ofendoi kamarierët në lokalin e
policia e durresit

DURRËS- Ditën e sotme në Durrës është arrestuar një 39-vjeçar i cili ishte shpallur në kërkim, pasi ishte i dënuar me 10 vite burg për një vrasje në 2016. Gëzim Kajno akuzohet për vrasjen e një klienti në lokalin e tij pasi i  ofendoi  kamarierët. 

Nga dënimi 39-vjeçarit i kanë mbetur për të vuajtur 4 vjet burgim. Ai akuzohet për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.

NJOFTIMI I POLICISË:

Autor i një vrasjeje me armë zjarri, të kryer në vitin 2016, ndalohet 39-vjeçari i shpallur në kërkim, i dënuar me 10 vjet burgim. Nga ky dënim, 39-vjeçarit i kanë mbetur për të vuajtur 4 vjet burgim.

Në zbatim të planit të masave, të hartuar në kuadër të megaoperacionit mbarëkombëtar të koduar “Sundimi i ligjit”, shërbimet e Drejtorisë Vendore të Policisë Durrës bënë ekzekutimin e vendimit të Gjykatës së Lartë, dhënë më datë 17.10.2023, për ndalimin e shtetasit Gëzim Kajno, 39 vjeç.

Ai është dënuar me 10 vjet burgim, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit”, dënim nga i cili i kanë mbetur për të vuajtur 4 vjet.

Më datë 01.03.2016, në lagjen nr. 17, Durrës, 39-vjeçari ka vrarë me armë zjarri, shtetasin A. K.. Shtetasi Gëzim Kajno iu dorëzua Drejtorisë së Përgjithshme të Burgjeve, për veprime të mëtejshme procedurale.

durres gezim kajno

Sondazh

Poll

MË SHUMË