Bota

Anëtarësimi në KiE, Osmani: Kosova e ka dhënë përkushtimin për themelimin e Asociacionit me Marrëveshjen Bazë të shkurtit të 2023

Osmani ka komentuar letrën e tre liderëve të shtetit drejtuar raportueses për Kosovën në Këshillin e Evropës, Dora Bakyoannis, në të cilën u dha zotimi për zbatim të marrëveshjeve, në të cilat përfshihet themelimi i Asociacionit të komunave me shumicë serbe.

27 Mars 2024, 10:51 Nga r.ll
Anëtarësimi në KiE, Osmani: Kosova e ka dhënë
vjosa osmani


KOSOVË- Presidentja e Kosovës, Vjosa Osmani, ka thënë në konferencën e organizuar nga Universiteti i Prishtinës dhe ai i Arkansasit për 25-vjetorin e ndërhyrjes së NATO-s, se Kosova ka dhënë përkushtimin për themelimin e Asociacionit, nëpërmjet ratifikimit në Kuvend të marrëveshjes së vitit 2013, por edhe me Marrëveshjen Bazë të shkurtit të vitit 2023.

Osmani ka komentuar letrën e tre liderëve të shtetit drejtuar raportueses për Kosovën në Këshillin e Evropës, Dora Bakyoannis, në të cilën u dha zotimi për zbatim të marrëveshjeve, në të cilat përfshihet themelimi i Asociacionit të komunave me shumicë serbe. Presidentja ka thënë se çështja e Asociacionit nuk i kërkohet Kosovës para pranimit në KiE.

“Mos të harrojmë që për themelimin e tij është dhënë përkushtimi i plotë më 2013 nëpërmjet ratifikimit, por ky është përsëritur në marrëveshjen e fundit, atë bazike të 27 shkurtit 2023. S’është përkushtim i marsit 2024, por i marrëveshjes bazike së vitit 2023 që është pranuar nga delegacioni i Kosovës dhe siç e dini të gjithë përfshin edhe detyrimin për themelimin e Asociacionit. Kërkesë e imja ka qenë në letër që të përfshihet një pjesë ku çdo detyrim i Republikës së Kosovës të zbatohet në përputhje me të drejtën kushtetuese, ligjet e Republikës së Kosovës, me Kushtetutën dhe aktgjykimet e Kushtetueses. Kjo është korniza jonë s’dalim kurrsesi jashtë saj”, ka thënë Osmani.

Ndërkoë ditën e sotme Komisioni për Çështje Politike dhe Demokraci i Këshillit të Evropës (KiE) do të shqyrtojë raportin e Bakoyannisit. Për këtë çështje Osmani ka thënë se shpreson që të miratohet dhe që më pas Asambleja e Përgjithshme ta rekomandojë anëtarësimin dhe se të gjitha nivelet e institucioneve janë angazhuar në lobim.

vjosa osmani themelimi i asociacionit

Sondazh

Poll

MË SHUMË